इटहरीका मेयर द्वारिकलाले भीड लगाएर बाँडे राहत, स्थानीयको यस्तो बिरोध

इटहरी : इटहरी उपमहानगरपालिकाका मेयर द्वारिकलाल चौधरीले ३ सय जनाको भीड लगाएर राहत बाढेका छन् ।
लकडाउनको समयमा घर बाहिर निस्किन नहुने सरकारको निर्देशन लत्त्याउँदै उनी तीन सयको संख्यामा गाउँ पुगेका हुन् ।
कोरोना भाइरस (कोभिड १९) को सङ्क्रमण फैलिन नदिन एक हप्ता अगाडिबाट लकडाउनको घोषणा गरेपनी मेयर चौधरीले भीड लगाएर राहत बाँडेपछि चौधरी विरुद्ध स्थानीयले विरोध समेत गरेका थिए ।
इटहरीको वडा नम्बर १ र १७ को सिमानामा पर्ने मुसहर बस्तीमा मेयर चौधरी आफैँ राहत वितरण गर्न पुगेका बेला कोरोना फैलिने सक्ने भन्दै विरोध भएको थियो ।
इटहरी उपमहानगरको शनिवार बसेको बैठकले विपन्न परिवारलाई करिब ८०० रुपैयाँ बराबरको तेल चिनी, दाल, नुन चामल वितरण गर्ने निर्णय गरेको थियो ।