मोरङ : कोरोना भाइरसको जोखिमलाई न्यूनीकरण गर्नको निमित्त मोरङको रतुवामाई ६ स्थित सिद्धार्थ युवा क्लबको अगुवाइ तथा इलाका प्रहरी कार्यालय सिजुवाको सहयोगमा मेरो साथी प्रहरी कार्यक्रम अन्तर्गत रहेर १५ सदस्यीय युवा कमिटी निर्माण गरिएको छ ।
राजन निरौलाको संयोजकत्वमा निर्माण गरिएको उक्त कमिटिले शनिश्चरेमा हुने विभिन्न गतिविधि साथै बाहिरवाट आउने मानिसको निगरानी र हाट बजारलाई ब्यबस्थित बनाउने कालोबजारी आदिलाई नियन्त्रण गर्न सहयोग पार्ने र जनमानसमा सिर्जित भ्रमलाई चिर्दै जनचेतना जगाउने आदि जस्ता कार्यहरु प्रहरीसँग मिलेर गर्ने उक्त कमिटिका संयोजक निरौलाले बताए ।
उक्त कमिटी निर्माणमा र्इलाका प्रहरी कार्यालय सिजुवाका प्रमुख, प्रहरी निरीक्षक मिलन थापा, प्रहरी नायव निरीक्षक मोति बहादुर कटुवाल लगायतको सहभागितामा उक्त कमिटि निर्माण गरिएको हो ।
Discussion about this post