रानी भन्सारमा खाली ट्रकमा एक करोड बढी भारतीय रुपैँया सहित दुई पक्राउ

विराटनगरको रानी भन्सार नाकामा भारतबाट खाली आएको एक ट्रकमा एक करोड भन्दा बढी भारतीय रुपैँया सहित दुईजना पक्राउ परेका छन् ।

भारतको सुपौलबाट आएको खाली ट्रकलाई चेकजाँच गर्ने क्रममा एक करोड ९ लाख ७९ हजार ५ सय ३० रुपैँया भारतीय रुपैयाँ सहित दुईजना पक्राउ परेका हुन् । डब्लूबी ७३ ई ७६७५ नम्बरको खाली ट्रक खानतलासी गर्दा कानुर्टभित्र उक्त रकम भेटिएको जिल्ला प्रहरी कार्यालय मोरङले जनाएको छ ।