मोरङ : गत मंसिर ४ गते सम्पन्न भएको प्रतिनिधिसभा तथा प्रदेशसभातर्फ मोरङमा १६६ जना उम्मेदवारको जमानत जफत भएको छ ।
प्रतिनिधिसभातर्फ ८७ र प्रदेशतर्फ ७९ जना उम्मेदवारको जमानत रकम जफत भएको हो । मोरङ क्षेत्र नं. १ को प्रतिनिधिसभातर्फका ११ जना उम्मेदवारको जमानत जफत भएको छ ।
यस्तै प्रतिनिधिसभातर्फ मोरङको क्षेत्र नं. २ मा ११, क्षेत्र नं. ३ मा २८, क्षेत्र नं. ४ मा १३, क्षेत्र नं. ५ मा १३ र क्षेत्र नं. ६ मा ११ जनाको जमानत जफत भएको प्रदेश निर्वाचन कार्यालय प्रदेश १ का निर्वाचन अधिकारी लेवन काश्यप अधिकारीले जानकारी दिए ।
प्रदेशसभातर्फ मोरङ १ (१) मा ३ जना, (२) मा ५ जना, मोरङ २ (१) मा १० जना, मोरङ २ (२) मा ८ जना, मोरङ ३ (१) मा ४ जना, (२) मा १० जना, मोरङ ४ (१) मा ५ जना, (२) मा ६ जना, मोरङ ५ (१) ३ जना, (२) मा ७ जना र मोरङ ६ (१) मा १० जना, (२) मा ८ जना रहेको निर्वाचन अधिकारीले बताए ।
मोरङ ६ निर्वाचन क्षेत्रमा प्रतिनिधिसभा सदस्यतर्फ १०५ र १२ निर्वाचन क्षेत्र प्रदेशसभा सदस्यतर्फ ११० गरी कुल २१५ जना चुनावी प्रतिस्पर्धामा थिए ।
जिल्लामा ६ मा १ लाख २६ हजार ७६१ मतदाता रहेकोमा ८५ हजार ६१३ मत खसेको थियो । जसमा ५ हजार १८७ मत बदर भएको थियो भने ८० हजार ४२६ प्रतिशत मत सदर भएको छ ।
धरौटी रकम जोगाउन उम्मेदवारहरूले आफ्नो क्षेत्रमा खसेको कुल मतमध्ये सदर मतमा १० प्रतिशत मत ल्याउनुपर्ने कानुनी प्रावधान छ ।
Discussion about this post