तन्नामा बेरिएर एक बालिकाको मृत्यु

भोजपुर : भोजपुरमा तन्नाको पिङ बनाएर खेल्ने क्रममा तन्नामा बेरिएर एक बालिकाको मृत्यु भएको छ। आज टेम्केमैयुङ गाउँपालिका– ७ बतासे बस्ने भाईराज राईकी ९ वर्षीया छोरी निशाना राईको मृत्यु भएको जिल्ला प्रहरी कार्यालय भोजपुरले जनाएको छ।
पीङ बनाएर खेलिरहेको बेला अचानक बालिकाको घाँटीमा तन्ना बेरिएको र परिवारका सदस्य घरमा नभएकाले उनको घटनास्थलमै मृत्यु भएको जिल्ला प्रहरी कार्यालय भोजपुरका सूचना अधिकारी पाण्डवराज राजवंशीले जानकारी दिए।