सुनसरीमा बेवारिसे अवस्थामा ५ सय ५४ किलो गाँजा बरामद

इटहरी : सुनसरीको प्रहरी चौकी अमडुवा, दुहबीले सुनसरीको बर्जु गाउँपालिका ४ हरबनी स्थितबाट बेवारिसे अवस्थामा रहेको ५ सय ५४ किलो ग्राम लागूऔषध गाँजा बरामद गरेको छ ।

विशेष सूचनाको आधारमा खटिएको प्रहरी टोलीले बर्जु गाउँपालिका ४ स्थित बाँस झ्याङबाट ५ सय ५४ किलो गाँजा बेवारिसे अवस्थामा बरामद गरेको हो ।

गाँजा बरामद भएसँगै ओसारपोसारमा संलग्न व्यत्तिहरूको खोजी भइरहेको सुनसरी प्रहरीले जनाएको छ ।