Tuesday, November 17, 2026
  • गृहपृष्ठ
  • समाचार
  • निर्वाचन
  • टाकुरा विशेष
  • पर्यावरण
  • विचार
  • कला साहित्य
  • खेलकुद
  • विविध
    • अन्तर्वार्ता
    • मनाेरञ्जन
    • फाेटाे फिचर
    • निर्वाचन
    • भिजिट नेपाल
    • सम्पादकीय
    • स्थानीय निर्वाचन
No Result
View All Result
  • गृहपृष्ठ
  • समाचार
  • निर्वाचन
  • टाकुरा विशेष
  • पर्यावरण
  • विचार
  • कला साहित्य
  • खेलकुद
  • विविध
    • अन्तर्वार्ता
    • मनाेरञ्जन
    • फाेटाे फिचर
    • निर्वाचन
    • भिजिट नेपाल
    • सम्पादकीय
    • स्थानीय निर्वाचन
No Result
View All Result
टाकुरा न्युज
Home समाचार

विपद्पछिको पुनर्निर्माणमा डायस्पोराको सीप परिचालन गर्न एनआरएनएको जोड

टाकुरा न्यूज । इटहरी by टाकुरा न्यूज । इटहरी
अशोज २७, २०८३
in समाचार
0
विपद्पछिको पुनर्निर्माणमा डायस्पोराको सीप परिचालन गर्न एनआरएनएको जोड
60
SHARES
Share on FacebookShare on Twitter

काठमाडौं : गैरआवासीय नेपाली संघ (एनआरएनए) ले जलवायुजन्य विपद्पछिको पुनर्निर्माणलाई प्रभावकारी र दिगो बनाउन विदेशमा रहेका नेपालीको ज्ञान, सीप, पुँजी र प्रविधि परिचालन गर्नुपर्नेमा जोड दिएको छ ।

एनआरएनएको ज्ञान, सीप तथा प्रविधि हस्तान्तरण (एसकेटीटी) विभाग र नेपाल साइन्स फाउन्डेसन ट्रस्टको संयुक्त आयोजनामा सम्पन्न अन्तर्राष्ट्रिय वेबिनारमा विपद् प्रभावित समुदायलाई तत्कालीन राहतबाट दीर्घकालीन पुनःस्थापनातर्फ लैजान सरकार, विज्ञ तथा डायस्पोराबीच सहकार्य आवश्यक रहेको औँल्याइएको हो ।

वेबिनारमा जलवायुजन्य विपद् व्यवस्थापन, जनस्वास्थ्य, पूर्वसूचना प्रणाली, सुरक्षित बस्ती विकास र जीविकोपार्जनका विषयमा छलफल भएको थियो । हिमाली नदी तटीय क्षेत्रमा बाढीपहिरोबाट प्रभावित समुदायको पुनःस्थापनालाई केन्द्रमा राखेर आयोजित यो शृङ्खलाको पहिलो सत्र हो ।

एनआरएनएका अध्यक्ष डा. हेमराज शर्माले बाढीपहिरो प्रभावित आठ जिल्लामा संघले ४५ दिनसम्म राहत अभियान सञ्चालन गरेको जानकारी दिए । उनका अनुसार अभियानमार्फत दुई हजार ४६० भन्दा बढी परिवारका करिब ११ हजार व्यक्तिलाई खाद्यान्न, त्रिपाल, म्याट, ग्यास चुलो र सोलार बत्तीलगायतका सामग्री उपलब्ध गराइएको थियो । प्रभावित क्षेत्रमा निःशुल्क स्वास्थ्य शिविरसमेत सञ्चालन गरिएको उनले बताए ।

शर्माका अनुसार विश्वका ९० भन्दा बढी राष्ट्रिय समन्वय परिषद्लगायतका माध्यमबाट विपद् प्रतिकार्यका लागि ११ करोड रुपैयाँभन्दा बढी रकम संकलन भएको थियो । त्यसमध्ये करिब छ करोड रुपैयाँ राहत वितरण तथा प्रधानमन्त्री दैवी प्रकोप उद्धार कोषमा योगदान गर्न प्रयोग गरिएको उनले जानकारी दिए ।

बाँकी करिब पाँच करोड रुपैयाँलाई बीउ पुँजीका रूपमा उपयोग गरी सरकारसँगको समन्वयमा विद्यालय, स्वास्थ्य चौकी तथा ज्ञान, सीप र प्रविधि हस्तान्तरणसम्बन्धी परियोजना अघि बढाउने योजना रहेको उनले बताए ।

राष्ट्रिय विपद् जोखिम न्यूनीकरण तथा व्यवस्थापन प्राधिकरणका प्रमुख कार्यकारी अधिकृत धर्मराज उप्रेतीले विपद् व्यवस्थापनलाई प्रभावकारी बनाउन सरकार, निजी क्षेत्र, नागरिक समाज, विज्ञ र डायस्पोराको सहभागिता आवश्यक रहेको बताए । हिमाली क्षेत्रमा अचानक आउने बाढी तथा हिमताल विस्फोटको जोखिम न्यूनीकरण गर्न राडारमा आधारित पूर्वसूचना प्रणाली, स्वचालित मौसम मापन प्रविधि र उच्च गुणस्तरका तथ्याङ्क प्रणालीमा लगानी गर्नुपर्ने उनको भनाइ थियो ।

काठमाडौं विश्वविद्यालयकी जनस्वास्थ्य विज्ञ प्रा. डा. अर्चना श्रेष्ठले विपद्पछिको पुनःस्थापनामा मातृ तथा शिशु स्वास्थ्य, सरसफाइ, मनोसामाजिक सहयोग र दीर्घरोगीको उपचारलाई प्राथमिकता दिनुपर्ने बताइन् । स्वास्थ्य संस्था क्षतिग्रस्त हुनु र यातायात अवरुद्ध हुँदा नियमित औषधि सेवन गर्ने बिरामी प्रभावित हुन सक्ने भएकाले स्वास्थ्य सेवाको निरन्तरता सुनिश्चित गर्नुपर्ने उनले उल्लेख गरिन् ।

राष्ट्रिय पुनर्निर्माण प्राधिकरणका पूर्व प्रमुख कार्यकारी अधिकृत सुशील ज्ञवालीले सुरक्षित आवास निर्माणसँगै प्रभावित समुदायको जीविकोपार्जनलाई पनि प्राथमिकता दिनुपर्ने बताए । पुनर्निर्माणका लागि संस्थागत क्षमता, अधिकार, स्रोत र निकायबीचको समन्वय सुदृढ गर्न आवश्यक रहेको उनको भनाइ थियो ।

अमेरिकामा कार्यरत सहरी योजनाविज्ञ प्रा. डा. अम्बिकाप्रसाद अधिकारीले भौगर्भिक अध्ययनबाट सुरक्षित प्रमाणित स्थानमा योजनाबद्ध बस्ती विकास गर्नुपर्नेमा जोड दिए । उनले विपद् प्रतिरोधी पूर्वाधार निर्माणमा हरित प्रविधि र निष्क्रिय सौर्य ऊर्जा प्रणालीजस्ता उपाय अपनाउनुपर्ने बताए ।

एनआरएनएको ज्ञान, सीप तथा प्रविधि हस्तान्तरण विभाग तथा नेपाल साइन्स फाउन्डेसन ट्रस्टका अध्यक्ष डा. राजु अधिकारीले आर्थिक स्रोत मात्रै पुनर्निर्माणका लागि पर्याप्त नहुने उल्लेख गर्दै विश्वभर रहेका नेपाली विज्ञको विशेषज्ञता उपयोग गर्नुपर्ने बताए । उनले सरकार, विकास साझेदार र डायस्पोराबीच सहकार्य गरेर पुनर्निर्माणलाई दिगो बनाउनुपर्ने धारणा राखे ।

वेबिनारमा प्राप्त सुझावका आधारमा एनआरएनएले तीन प्रमुख क्षेत्रमा काम अघि बढाउने जनाएको छ । पहिलो, क्षतिग्रस्त स्वास्थ्य चौकीको पुनःस्थापना तथा नेपाली चिकित्सकको सहयोगमा टेलिमेडिसिन सेवा विस्तार गर्ने; दोस्रो, प्रविधियुक्त विद्यालय निर्माण र विदेशमा रहेका विज्ञ, वैज्ञानिक तथा प्राध्यापकलाई नेपाली शैक्षिक संस्थासँग जोड्ने; र तेस्रो, सुरुङमार्ग, भूगर्भ, जलस्रोत तथा विपद् व्यवस्थापनका विज्ञलाई प्राधिकरणसँगको सहकार्यमा परिचालन गर्नेछ ।

वेबिनारका निष्कर्ष समेटेर एक साताभित्र राष्ट्रिय विपद् जोखिम न्यूनीकरण तथा व्यवस्थापन प्राधिकरण, भौतिक पूर्वाधार तथा यातायात मन्त्रालय र प्रधानमन्त्री कार्यालयमा नीतिगत प्रतिवेदन पेस गर्ने एनआरएनएको योजना छ ।

कार्यक्रमले विपद्पछिको पुनर्निर्माणलाई भौतिक संरचनामा मात्र सीमित नराखी जनस्वास्थ्य, शिक्षा, जीविकोपार्जन, सुरक्षित बस्ती र प्रविधिको उपयोगसँग जोड्नुपर्ने निष्कर्ष निकालेको छ ।

Tags: गैरआवासीय नेपाली संघ (एनआरएनए)
टाकुरा न्यूज । इटहरी

टाकुरा न्यूज । इटहरी

सत्य, तथ्य र निष्पक्ष पत्रकारितामा विश्वास गर्ने टाकुरा न्यूजले विशेषगरी कोशी प्रदेशलाई केन्द्रमा राखेर समाचार सम्प्रेषण गर्दै आएको छ । छोटो समयमै पूर्वको लोकप्रिय अनलाइन सञ्चारमाध्यमका रूपमा स्थापित भएको यस पोर्टलले पाठकलाई समयमै, विश्वासिलो र सुसूचित जानकारी उपलब्ध गराउँदै आएको छ ।

Related Posts

‘फर्मुला’ प्रयोग गरेर लागूऔषध बेच्दै मेडिकल सञ्चालक
समाचार

ब्राउनसुगरसहित नौ जना पक्राउ

by टाकुरा न्यूज । इटहरी
मंसिर १, २०८३
0

इटहरी : कोशी प्रदेशका चार जिल्लामा प्रहरीले सञ्चालन गरेको लागूऔषधविरुद्धको कारबाहीमा भारतीय परिवारका तीन सदस्यसहित नौ जना पक्राउ परेका छन्...

इटहरीको मुख्य चौकमा ट्राफिक लाइट र सिसी क्यामेरा जडान
FEATURE BREAKING

अपराध र दुर्घटना निगरानी गर्न सुनसरीमा २५० वटा सीसी क्यामेरा राखिने

by टाकुरा न्यूज । इटहरी
मंसिर १, २०८३
0

इटहरी : सुनसरीमा अपराध नियन्त्रण, सडक दुर्घटना न्यूनीकरण र सीमावर्ती गतिविधिको निगरानीका लागि प्रहरीले जिल्लाभर सीसीटीभी सञ्जाल विस्तार गर्ने योजना...

दुर्घटनामा १५ दिने शिशुको मृत्यु

मोरङमा खेल्दाखेल्दै बेपत्ता भएका बालकको शव निर्माणाधीन घरको खाल्डोमा

मंसिर १, २०८३
विराटनगरमा पत्रकारसहित २३ जनामा कोरोना पुष्टि

विराटनगरमा राति २ बजेसम्म व्यवसाय खोल्न अनुमति

मंसिर १, २०८३
जाडोमा भक्काको बास्ना, गृहिणीलाई आम्दानीको अवसर

जाडोमा भक्काको बास्ना, गृहिणीलाई आम्दानीको अवसर

मंसिर १, २०८३
सुनसरीको छठ पूजास्थलमा तोडफोड गर्ने दुई युवा पक्राउ

सुनसरीको छठ पूजास्थलमा तोडफोड गर्ने दुई युवा पक्राउ

कार्तिक ३०, २०८३

Discussion about this post

क्याटेगाेरी

टाकुरा विशेष खेलकुद फोटो ग्यालरी साहित्य लेख/विचार मनोरञ्जन   

फेसबुकमा जाेडिनुहाेस्

ताजा समाचार

‘फर्मुला’ प्रयोग गरेर लागूऔषध बेच्दै मेडिकल सञ्चालक

ब्राउनसुगरसहित नौ जना पक्राउ

मंसिर १, २०८३
इटहरीको मुख्य चौकमा ट्राफिक लाइट र सिसी क्यामेरा जडान

अपराध र दुर्घटना निगरानी गर्न सुनसरीमा २५० वटा सीसी क्यामेरा राखिने

मंसिर १, २०८३
दुर्घटनामा १५ दिने शिशुको मृत्यु

मोरङमा खेल्दाखेल्दै बेपत्ता भएका बालकको शव निर्माणाधीन घरको खाल्डोमा

मंसिर १, २०८३
विराटनगरमा पत्रकारसहित २३ जनामा कोरोना पुष्टि

विराटनगरमा राति २ बजेसम्म व्यवसाय खोल्न अनुमति

मंसिर १, २०८३



लाेकप्रिय

  • यी हुन् इटहरी दुर्घटनामा ज्यान गुमाउने दुई युवा

    यी हुन् इटहरी दुर्घटनामा ज्यान गुमाउने दुई युवा

    1091 shares
    Share 436 Tweet 273
  • दसैँको टीकाकै दिन इटहरीमा दुर्घटना, भण्डारीको मृत्यु

    847 shares
    Share 339 Tweet 212
  • सप्तकोशीमा बेपत्ता कोइराला मृत फेला

    517 shares
    Share 207 Tweet 129
  • इटहरी उपमहानगरका इन्जिनियर प्रहरी नियन्त्रणमा

    385 shares
    Share 154 Tweet 96
  • ब्राउनसुगरसहित इटहरीकी एक युवती र दुई युवक पक्राउ

    338 shares
    Share 135 Tweet 85

हामी समाचारलाई सूचना प्रवाहको माध्यमका रूपमा होइन, समाज, समुदाय र आवाजविहीनहरूको आवाजलाई ….थप

प्रबन्ध निर्देशक/कार्यकारी सम्पादक
सम्पादक : अर्जुन कुमार उप्रेती
थप टिम…

ठेगाना : इटहरी, सुनसरी
इमेल : takurainc819@gmail.com
मोबाइल नं. :

कम्पनी दर्ता नं. २४२४५३/०७७/०७८
प्रेस काउन्सिल सूचीकृत नं. २६९/०७७/०७८
सूचना तथा प्र‍. विभाग दर्ता नं. २०९२/०७७/०७८

वेब डिजाइन तथा प्राविधिक सहकार्य :  

© TakuraNews 2020 ।। Gurukul Media (P) Ltd.

No Result
View All Result
  • गृहपृष्ठ
  • समाचार
  • निर्वाचन
  • टाकुरा विशेष
  • पर्यावरण
  • विचार
  • कला साहित्य
  • खेलकुद
  • विविध
    • अन्तर्वार्ता
    • मनाेरञ्जन
    • फाेटाे फिचर
    • निर्वाचन
    • भिजिट नेपाल
    • सम्पादकीय
    • स्थानीय निर्वाचन

© TakuraNews 2020 ।। Gurukul Media (P) Ltd.