सव–इन्जिनियर अख्तियार इटहरीको फन्दामा

इटहरी । अख्तियार दुरुपयोग अनुसन्धान आयोग इटहरीको कार्यालयले सव–इन्जिनियर बिष्णुकुमार राईलाई ५ हजार रुपैयाँ घुससहित पक्राउ गरेको छ ।
भोजपुरको आमचोकमा कार्यरत सव–इन्जिनियर राईले हायुखोला खानेपानी योजनाको बिल फरफारक गरिदिने प्रयोजनका लागि सेवाग्राहीसँग घुस माग गरिरहेको उजुरीको आधारमा अख्तियार दुरुपयोग अनुसन्धान आयोगको कार्यालय इटहरीको टोलीले सोमबार पक्राउ गरेको हो । उनीमाथि थप अनुसन्धान भईरहेको छ ।