प्रधानमन्त्री केपी शर्मा ओली अस्वस्थ्य भएपछि मंगलबार साँझ अस्पताल भर्ना भएका छन् ।
प्रधानमन्त्री ओली महाराजगञ्जस्थित मनमोहन कार्डियो थोरासिक भास्कुलर एण्ड ट्रान्सप्लान्ट सेन्टरमा भर्ना भएका हुन् ।
सेन्टरको क्याथ ल्यावमा प्रधानमन्त्री ओलीको स्वास्थ्य परीक्षण भएको छ । यसअघि प्रधानमन्त्री ओली डायलासिसका लागि मनमोहन सेन्टरमा निरन्तर जाने गरेका थिए । सोमबार गृह जिल्ला झापा पुगेर विभिन्न सार्वजनिक कार्यक्रममा सहभागी भएका उनले काठमाडौं आएपछि अस्वस्थ महशुस गरेका थिए ।
अस्पतालका एक चिकित्सकले यस पटक प्रधानमन्त्री ओली डायलासिस नभएर अन्य उपचारका लागि भर्ना भएको जानकारी दिए । प्रधानमन्त्री ओलीले मिर्गौलाको खराबीका कारण केही समययता नियमित डायलासिस गराउँदै आएका छन् ।
Discussion about this post