झापामा एकजनामा कोरोना संक्रमणको पुष्टि, ४९ पुग्यो संक्रमितको संख्या

इटहरी : दमक नगरपालिकाका एकजनामा कोरोना संक्रमणको पुष्टि भएको छ ।
एक महिना अगाडि दुबहीबाट आएका झापाका २६ बर्षीय युवकको आरडीटी परीक्षणमा पोजेटिभ रिपोर्ट आएपछि परिवारका तीनजनामा आरडीटी परीक्षण गरिएको थियो । आरडीटीमा तीनै जनाको पोजेटिभ रिपोर्ट आएपछि उनीहरुलाई थप परीक्षणका सुनसरीको धरानस्थित वीपी कोईराला स्वास्थ्य विज्ञान प्रतिष्ठान ल्याईएको थियो ।
स्वास्थ्य तथा जनसंख्या मन्त्रालयका अनुसार तीनजनामा पीसीआर परीक्षण गर्दा ६२ वर्षीय पुरुषमा कोरोना संक्रमण पुष्टि भएको हो ।
योसँगै नेपालमा कोरोना सङ्क्रमितको सङ्ख्या ४९ पुगेको छ।