इटहरी : इटहरी उपमहानगरपालिकाको राहत वितरण कार्यक्रमलाई प्रभावकारी बनाउन राजनीतिक दलहरुले नियमन र अनुगमन गर्ने भएका छन् । इटहरीमा क्रियाशिल राजनीतिक दलहरुका बीचमा सर्वदलीय संयन्त्र बनाई स्थानीय सरकारलाई कोभिड–१९ का बिरुद्ध लड्न आवश्यक सल्लाह र र नीति बनाउन समेत सहयोग गर्न दलहरु त्यार भएका हुन् ।
संवाद समुह सनुसरीले आयोजना गरेको अनलाईन संवादमा सहभागी दलका प्रमुखहरुले अहिलेको बिषम् परिस्थितिमा विपन्नले राहत पाउँनुपर्ने र यसको प्रभावकारी हुनुपर्ने दलहरुको भनाई छ ।
नेकपाका इटहरी नगर इन्र्चाज राजकुमार गिरीले अहिलेको बिषम् परिस्थिको समयमा दलहरु जुटेर कोरोना विरुद्धको लडाँइमा होमिनु पर्ने बताए । उनले नेकपाले सर्वदलीय संयन्त्र बनाइ काम थाल्न अगुवाई गर्ने र यसमा अन्य दलहरुले साथ दिनु पर्ने बताए । अनलाईन संवादमा नेपाली कांग्रेसका इटहरी नगर सभापति हेमकर्ण पौडेलले आँफूहरु सहकार्य गर्न तयार भएको बताए । उनले भने, ‘ठूलो दलका हिसाबले नेकपाले पहिले नै पहल थाल्नु पथ्र्योे ढिलै भएपनि सहमतिका लागि बाटो खुल्ला भएको छ ।’ उनले अहिले आम सर्वसाधारण नागरिकबाट विपन्नले भन्दा पनि धनी मानिसहरुले राहत पाएको गुनासो गरेकाले खास पीडित नागरिकले राहत पाउँनुपर्नेमा जोढ दिए ।
नेकपाका इटहरीका अध्यक्ष बहादुरसिंह तामाङ ‘ज्वाला’ ले अहिले स्थानीय तहलाई काम गर्न समस्या भएकोले दलहरुले आवश्यक सहयोग र साथ दिनु पर्ने बताए । उनले भने, ‘आवश्यक नीति निर्माण गर्न सल्लाह सुझाब दिन र भइरहेको कामको अनुगमन र नियमन गर्न सर्वदलिय संयन्त्रको आवश्यकता छ ।’
उनले सहमति अनुसार चाँडै संयन्त्र बनाई राहत वितरण, लगायतका भोलिका दिनमा आइपर्ने चुनौती सामना गर्न दलहरु तयार रहनुपर्ने बताए ।अनलाईन संवादमा बोल्दै जनता समाजवादी पार्टीका तर्फबाट डिल्ली सुब्बाले पनि मतदाता रिझाउने शैलीमा पहिलो चरणको राहत वितरण भएको आरोप लगाए । उनले दोस्रो चरणको राहत वितरणको शैली परिवर्तन गर्नुपर्ने बताए ।
नेपाली कांग्रेससका सह–सभापति कोवितजंग कार्कीले नेपाली काँग्रेसले पहिलो चरणमै राहतका लागि चामल उपलब्ध गराएर सहयोग गरेको र खास पीडितले राहत नपाएको गुनासो आइरहेकाले विपन्न र खानबाट नै बञ्चित भइरहेका नागरिकहरुलाई प्रभावकारी र निष्पक्ष ढंगबाट राहत वितरण गर्नुपर्नेमा जोड दिए ।
याे पनि : इटहरीमा राहत वितरणलाई प्रभावकारी बनाउँन राजनीतिक दलले अनुगमन गर्ने
Discussion about this post