धनकुटाको हिलेस्थित दुई बाहिनीमा कार्यरत नेपाली सेनाका हवल्दार मेजर पदमा कार्यरत सुनसरी रामधुनी भाषिका पर्शुराम भट्टराईको मृत्युु भएको ३ दिन वितिसक्दा समेत अन्तिम संस्कार हुन सकेको छैन ।
ड्युटीमै कार्यरत रहेको बेला ब्यारेकमै प्रेसरले हानेर नेपाली सेनाले नै बिराट टिचिङ्ग अस्पताल बिराटनगरमा भर्ना गरेर अपरेसन थिएटरमा हालेपश्चात मात्र परिवारलाइ जानकारी गराएको थियो ।
प्रेसरले हानेर लडेपछी अस्पताल ल्याएको बताएको सेनाको भनाईलाई विश्वास गरेका परिवारजन गत सोमबार पर्शुरामको मृत्यु भएपछि शोकमा मात्र परेनन् उनको शरीरभर लागेको चोटपटक देखेर कुटपिटबाट हत्या भएको निष्कर्षमा पुगेका छन् ।
पर्शुरामको घुँडा, छाती, हातपाखुरा,आँखामा निलडाम सहितको गहिरो चोट हुनुका साथै टाउकोको पछाडिको हड्डी समेत भाँचिएको परिवारजनको भनाई छ । पाईएको छ ।
पर्शुरामको शंकास्पद मृत्युपछी उनको कुटपिटबाट ज्यान गएको भन्दै श्रीमती कमला बोगटी भट्टराईले घटनाको निष्पक्ष छानबिन गरि दोषी उपर कानुन बमोजिम हदैसम्मको सजाय गराईपाँउ भनी जिल्ला प्रहरी कार्यालय धनकुटामा इमेल मार्फत जाहेरी दिएकी छन् ।
मृतकको शब धरानस्थित वीपी प्रतिष्ठानमा राखिएको छ ।
Discussion about this post