तरहरा : इटहरी २० तरहराका २८ बर्षीय राजन राईको गएराती हत्या भयो । सामान्य बिषयमा झडप हुँदा उनको हत्या भयो ।
अत्यधिक मादक पदार्थ सेवन गरेका राई र स्थानीय केही युवाहरुबीच झडप हुँदा उनको छुरा प्रहार गरी हत्या भएको प्रहरीको निश्कर्ष छ ।
घटनास्थलमा प्रहरीले मुचुल्का उठाइसकेको छ । ईलाका प्रहरी कार्यालय इटहरीका इन्सपेक्टर मानप्रसाद श्रेष्ठका अनुसार राजन राईकै घरमा तीनजना बसेर मादक पदार्थ सेवन गरेका थिए ।
मादक पदार्थ सेवन गरेपछि तीनजनाको समूह बजारमा निस्किएको र तरहराकै खिले भनिने खिलानाथ घिमिरेलाई फोन गरेका थिए । फोनमा एकछिन भेट्ने काम छ भनी कुराकानी भएको थियो ।
घटना भएको ठाउँमा जडान गरिएको सिसिटिभिमा बाँसले हानेको दृश्य देखिन्छ । ६ जनाको समूहबीच झगडा भएको र जसमा छुट्याउँने तीनजना देखिन्छन् । घटनामा संलग्न राजन राई, अनिल दाहाल र लक्ष्मण गुरुङ सँगै बसेर मापसे गरेका थिए । मापसे गरेपछि राजनले घिमिरेलाई फोन गरेपछि उनीहरुबीच भेट भएको थियो ।
भेटमा अभिषेक पौडेल, अभिषेक केसी र प्रज्वल तामाङ पनि साथमा रहेका थिए । राजनले उनीहरुसँग भेट हुनुभन्दा अगाडि नै म खिलेलाई कुटेजस्तो गर्छु, के गर्दोरहेछ जिस्काउँ न भनेर भनेको खुलेको छ ।
जिस्किदाँ जिस्कदैँ उनीहरुबीच सामान्य इस्युलाई ठूलो भएको र छुरा प्रहार भएको प्रहरीको भनाई छ । छुरा प्रहार हुनुभन्दा अगाडि अनिल, लक्ष्मण र खिलानाथले झडप हुन नदिन छुट्याउने प्रयास गरेपनि राजन माथि इटा प्रहार भएको थियो ।
प्रहरीका अनुसार घटनामा संलग्न अन्दाजी २० बर्षीय प्रज्वल तामाङले पिछाडिबाट इटाले प्रहार गरेका थिए । पछि राजन भुईँमा लडेपछि छुरीले तीन–चारपटकसम्म प्रहार भएको प्रहरीको निश्कर्ष छ ।
प्रज्वलसँगै अभिषेक पौडेल, अभिषेक केसी र कृष्ण घिमिरेपनि घटनामा संलग्न थिए । उनीहरु अहिले फरार रहेको र खोजी कार्य भएको प्रहरीले जनाएको छ । छुरा प्रहारपछि गम्भीर घाईते भएका राजनको धरानस्थित वीपी कोईराला स्वास्थ्य विज्ञान प्रतिष्ठान लैजादैँ गर्दा बाटोमै मृत्यु प्रतिष्ठानले पुष्टि गरेको थियो ।
फागुनमा युकेबाट आएका थिए राजन
गत फागुनमा मात्रै युकेबाट आएका राजनको लकडाउन अवधि सुरु भएको केही हप्तामै युके जाने भिसा थियो ।
तर, लकडाउनका कारण उनी युके फर्कन नपाएपछि यहीँ बस्दै आएका थिए ।
तरहराका भीम राईका छोरा राजन सहित परिवार नै युकेमा बस्दै अएका थिए । फागुन अन्तिममा युकेबाट एक महिनाको विदामा आएका राजनको हत्यापछि अहिले परिवारजन बिक्षिप्त बनेका छन् ।
पहिल्यैदेखि ग्याङ बसेर खाने गरेको खुल्यो
घटनाका मुख्य नाईके भनिएका प्रज्वल तामाङ, अभिषेक पौडेल र अभिषेक केसी पहिल्यैदेखि लागूऔषध प्रयोगमा संलग्न रहेको प्रहरीको प्रारम्भिक अनुसन्धानबाट खुलेको छ ।
तरहराको एकता मार्गमा बस्दै आएका उनीहरुले नजिकैको खोलाछेउमा बाँसको फलैँचा बनाएर अगाडि देखि नै बस्ने र लागूऔषध प्रयोग गर्ने गरेको प्रहरीको भनाई छ ।
आइतबार रातीको घटनामा राजनको समूह र प्रज्वलको समूहले सँगै मापसे नगरेपनि सामान्य बिषयमै उनको बिभत्स हत्या भयो । घटनामा संलग्न सबैजना अहिले फरार रहेकाले प्रहरीले खोाजी कार्यलाई तीब्रता दिएको इन्सपेक्टर मानप्रसाद श्रेष्ठले जानकारी दिए ।
यो पनि _ तरहरामा छुरा प्रहारी गरी राजनको हत्या
यो पनि _ तरहरामा ग्याङ फाइट, एकजनाको अवस्था गम्भीर
Discussion about this post