इटहरी : घटना १ : ३ जेठ २०७७ मा मोरङको विराटनगरमा औषधी व्यवसायी गर्दै आएका देवीप्रसाद दुलालको श्रीमतीकै योजनामा हत्या भयो ।
सुनसरीको इटहरी उपमहानगरपालिका १२ खनार घर भई विराटनगर महानगरपालिका १० मधुमारा बस्दै आएका ३३ वर्षीय देवीप्रसाद दुलालको शव घरमै फेला परेको थियो ।
उनकी श्रीमती मीना श्रेष्ठ (दुलाल) ले प्रेमीसँग मिलेर श्रीमानको हत्या गरेको जिल्ला प्रहरी कार्यालय मोरङको निश्कर्ष रह्यो । प्रहरीका अनुसार प्रेमीसँगको अवैध यौनसम्बन्ध लुकाउन मीनाले सिराहाको लहान घर भई विराटनगर बस्दै आएका ब्रह्मदेव शाहसँग मिलेर श्रीमानको हत्या गरेकी हुन् ।
घटनामा संलग्न मीनाकी प्रेमी ब्रम्हदेव शाह सहितको मिलेमतोमा उनको हत्या भयो । प्रहरीको अनुसन्धानका क्रममा उनले शाहसँग आफ्नो यौनसम्बन्ध रहेको र त्यसैको विषयमा झगडा हुँदा शाहसँग मिलेर आँफूले श्रीमानको हत्या गरेको बयान दिएकी थिईन् ।
घटना २ : ३ जेठ २०७७ मै विराटनगरमा आफ्ना दुई छोराहरुले बाबुको हत्या गरे । रोहित चौहान (जेठो छोरा) कामबाट फर्किए ।
त्यत्तिकैमा माइलो नागेन्द्र पनि दाजु र बुवा बस्ने घरमा आइपुगे । ५५ वर्षीय बुवा सिताराम चौहानले घरमा चामल तेल किन्न रोहितसँग केही रकम मागे । त्यतिकैमा रोहितसँग सिताराम (बाबुछोराबीच) विवाद सुरु भयो । विवादले उग्ररूप लिएपछि रक्सीको नसामा रहेका रोहितले सिधै खाट छेउमा रहेको फरुवाले बुवाको टाउकोमा प्रहार गरे ।
बाबुको मृत्यु भएपछि घटनाका बारेमा कसैलाई थाहा नपाउन् भन्नका लागि घरभित्रै खाल्डो खनेर बाबुको शब गाडे । पछि प्रहरीको अनुसन्धानबाट पैसा मागेको निहुमा बाबुको हत्या भएको खुल्यो । अहिले दुई दाजुभाईलाई नै प्रहरीले बाबुको हत्यामा संलग्न कर्तव्य ज्यान मुद्दा चलाइसकेको छ ।
घटना ३ : १५ जेठ २०७७ मा मोरङको बेलबारीमा आफ्नै आमाको हत्यापछि छोरा आफैँले आत्महत्या गरे ।
बेलबारी नगरपालिका ४ स्थित बुधबारेका २६ वर्षीय जीवन लिम्बुले आँफूलाई नै जन्मदिने आमा ६१ वर्षीया देवीकुमारी लिम्बुलाई टाउकोमा इँटा प्रहार गरी घरमै हत्या गरे ।
आमाको हत्यापछि उनले आफ्नै शरीरमा घाटी रेट्नुको साथै पटक–पटक छातीमा रोपेर आफैँलाई हत्या गरे । प्रहरीका अनुसार लामो समयदेखि नशामा रहने जीवन घटना भएको अघिल्लो रात ईलाका प्रहरी कार्यालय बेलबारीको हिरासतमा थिए । साँझ आमासँग झगडा गर्दा घरमा आगो लगाएको आरोपमा प्रहरीले उनलाई एक रात हिरासतमा राखेको थियो ।
तर हिरासतबाट निस्किन साथ जीवन आमासँग बिहानैदेखि विवाद गरिएको अवस्थामा उनले अचानक इँटा प्रहार गरेका थिए ।
घटना ४ : १६ जेठ २०७७ मा सुनसरीको बराहक्षेत्र नगरपालिका ३ स्थित जमुना गाछीमा कमल राई मृत भेटिए । मृत भेटिएका ३७ वर्षीय कमल राईको उनकै सालो पर्नेबाट हत्या भएको अनुसन्धानबाट खुल्यो ।
राईको हत्या गर्ने बराहक्षेत्र ३ कै सालो पर्ने गणेश लिम्बु र उनको साथी प्रदीप राजधामीलाई हत्या गरेको अभियोगमा प्रहरीले पक्राउ गरी मुद्धा चलाइसकेको छ । गणेश र प्रदीपले नै कमलको हत्या गरी प्लटिङमा फालेको प्रहरी निश्कर्षमा पुगेको छ ।
राती सँगै मदिरा सेवन गरेर सालोले अर्को एक साथीको मद्दतले कमलको निर्मम हत्या गरेको प्रहरीको अनुसन्धानबाट खुलेको छ ।
घटना ५ : १८ जेठ २०७७ (आइतबार राती) सुनसरीको इटहरीमा एकजनाको हत्या भयो । इटहरी २० तरहराका राजन भनिने रादन राईको हत्या भयो । २८ बर्षीय राई गत फागुनमा युकेबाट आएका थिए ।
ईलाका प्रहरी कार्यालय इटहरीका इन्सपेक्टर मानप्रसाद श्रेष्ठका अनुसार राजन राईकै घरमा तीनजना बसेर मादक पदार्थ सेवन गरेका थिए ।
यो पनि _ तरहरामा छुरा प्रहार गरी राजनको हत्या
घटना भएको ठाउँमा जडान गरिएको सिसिटिभिमा बाँसले हानेको दृश्य देखिन्छ । अभिषेक पौडेल, अभिषेक केसी र प्रज्वल तामाङले उनको हत्या गरे । जिस्किदाँ जिस्कदैँ उनीहरुबीच सामान्य इस्युलाई ठूलो भएको र छुरा प्रहार भएको प्रहरीको भनाई छ ।
प्रहरीका अनुसार घटनामा संलग्न अन्दाजी २० बर्षीय प्रज्वल तामाङले पिछाडिबाट इटाले प्रहार गरेका थिए । पछि राजन भुईँमा लडेपछि छुरीले तीन–चारपटकसम्म प्रहार भएको प्रहरीको निश्कर्ष छ । प्रज्वलसँगै अभिषेक पौडेल, अभिषेक केसी र कृष्ण घिमिरेपनि घटनामा संलग्न थिए । प्रहरीका अनुसार घटनामा संलग्न प्रज्वल तामाङ, अभिषेक पौडेल, अभिषेक केसी पक्राउ परिसकेका छन् ।
यो पनि _ तरहराका राइको हत्यामा संलग्नहरु आँफै प्रहरी कार्यालयमा हाजिर
यी माथि उल्लेख गरिएका ५ वटा घटना केही प्रतिनिधि घटना मात्र हुन् । अहिले कोरोना भाइरसका कारण मुलुक लकडाउनमा भएकाले अपराधिक घटना बढिरहेका छन् । तर, प्रहरीले भने प्लानमा कुनै पनि घटना नभएको दाबी गर्दै आएको छ ।
प्रदेश १ प्रहरीका प्रबक्ता प्रहरी नायव उपरीक्षक सुमन तिम्सिना भन्छन्, ‘तुलनात्मक रुपले अपराधिक घटनामा कमी आएको छ, अहिले भएका यी घटना अपराधिक घटना प्लानमा भएका हैनन् ।’ उनका अनुसार अहिले प्लानमा भएका घटनामा कमी आएपनि केही कर्तव्य ज्यान मुद्धाका घटनामा बृद्धि भएको छ ।
यो पनि _ तरहरामा ग्याङ फाइट, एकजनाको अवस्था गम्भीर
‘बाउलाई सामान्य विवादमै हत्या भएका घटना छन्,’ उनले भने, ‘आमालाई मार्नु र आफैँ मर्नु गरीबी र लागूऔषध प्रयोग भएको देखिन्छ ।’ चरम गरीबी, लागूऔषध र मादक पदार्थ सेवनले निम्ताएको घटना रहेको प्रहरीको अनुसन्धानबाट देखिएको तिम्सिनाले बताए ।
विश्लेषणात्मक रुपमा प्लान भएर कुनै पनि घटना नभएको उदृत गर्दै उनले आवेगमा आएका घटना रहेको बताए । ‘यी घटनाहरु आवेगमै भएका हुन्, सामान्य बिषयमै अपराध भएका छन् । महिनौसम्म प्लान गरेर भएका घटना हैनन् ।’ उनले भने ।
हेर्नुहोस् भिडियो
Discussion about this post