रूपन्देहीको तिलोत्तमा–१० कान्छीबजार मैनहवास्थित गंगादेवी पशुु फर्मका सञ्चालक कृष्णबहादुुर पुुन मंगलबार बिहान पाँच बजे फर्मबाहिर आएर कामदारलाई गेट खोल्न आग्रह गरे । पटक–पटक बोलाए । कामदार आएनन । भित्रबाट अर्जुन मुसहर आए । अर्जुन बाबुसँगै गेट नजिकैको कोठमा सुत्ने गर्थे । सोमबार भने अर्जुन एक्लै सुतेका थिए ।
सञ्चालक कृष्णले गेटबाट बोलाएपछि अर्जुन गेटमा आए । कृष्णले अर्जुनलाई अरुलाई उठाएर गेट खोल्न भने । गेटको साचो पोषराजसँग हुने गथ्यो । उसैलाई उठाउन भने कृष्णले । अर्जुन पोषराजलाई उठ् भन्न गए । बाहिरबाट बोलाए । कोही उठेनन् । अनि गेटमै गएर कृष्णलाई कोही पनि उठदैनन भनेर भने । त्यसपछि कृष्णलाई भित्र केही भयो कि भनेर शंका लागेर गेट नाघेर भित्र छिरे । भित्र जाँदा रगाताम्य देखे । कामदारलाई उठाउन गेट नाघेर भित्र छिरेका कृष्ण सबै लस्करै विभत्स हत्या भएको देखे । यो घटना सोमबार राति १२ बजेतिरको हो ।
फर्ममा काम गर्ने रुपन्देहीकै सैनामैना नगरपालिका ५ का ४० वर्षिया माधव मुुसहर, ३६ वर्षिया जानकी मुुसहर, तिलोत्तमा– १० का १७ वर्षका करण चौधरी र आषिश चौधरी र पोषराज मुुसहरको घरेलु हतियार प्रयोग गरी फर्मभित्रै हत्या भएको छ । माधव र जानकी श्रीमान श्रीमती हुुन । करण, आषिश पोषराजका साथी थिए । पोषराजलाई फर्मका सञ्चालक पुुनले धर्मपुत्रका रुपमा पालेका थिए । त्यहीँ आउने खेल्ने बस्ने गर्ने । सोमबार उनीहरु पनि त्यही आएर बसेका थिए ।
फर्मका सञ्चालक कृष्ण सोमबार साँझ ७ बजे फर्म नजिकै रहेको घर गएर खाना खाए । त्यसपछि आफ्नो फर्म नजिकै रहेको अर्को सरस्वती पशु फर्ममा गएर राति १० बजे सुुते । सरस्वती पशु फर्मका सञ्चालक राजुु भनिने डिलबहादुर थारु र पुुन साथी रहेको बताइएको छ । फर्म नजिकै सुुतेका सञ्चालक पुुनले राति हत्या भएको ठाउँमा कुुनै हल्ला भएको सुुनेनन । गंगादेवी र सरस्वती फर्म २० मिटरको दुुरीमा छ ।
कसरी घट्यो घटना
फर्ममा तीन जना कामदारले काम गर्ने । माधव र जानकी र झसेन्द्र सिंजालीले । फर्मका सञ्चालक फर्म भित्र आउँदा सिंजाली अर्धचेत अवस्थामा फर्मभित्रै लुकेर बसेका थिए । उनले नै सबैको सामूूहिक हत्या गरेको हुुनसक्न घटनाको प्रारम्भिक वस्तुुस्थितिबाट देखिन्छ । जिल्ला प्रहरी कार्यालय रुपन्देहीका प्रवक्ता खडगबहादुुर खत्रीले सुुुतिरहेको अवस्थामा घरेलु हतियार प्रयोग गरी हत्या भएको प्रारम्भिक अनुुसन्धानबाट देखिएको बताए । एउटै साइडमा लस्करै सुुतिरहेको अवस्थामा टाउकोमा हानेर हत्या गरिको देखिन्छ ।
घटनास्थलमा झसेन्द्रलाई नियन्त्रणमा लिइएको छ । झसेन्द्र सिंजली फर्मभित्र लुकेर बसेको अवस्थामा प्रहरीले नियन्त्रणमा लिएको हो । उनीबारे थप अनुुसन्धान भइरहको छ ।’ खत्रीले भने । घटनास्थलमा रगताम्भ भएको कोदालो भेटिएको छ । त्यही कोदालोले हत्या गरेको देखिन्छ ।
पाँचै जनाको हत्या गरेको स्वीकार गरेका झसेन्द्र र करणका बुवाबीच पटक–पटक कुरा नमिलेर झगडा भइरहने करणले पनि थाहा पाइरहेका थिए । उनी आउँदा आफ्ना बुवा र अंकल झसेन्द्रको जहिले पनि विवाद हुन्थ्यो
फर्मका सञ्चालक पुुनले झसेन्द्रलाई एक महिना अगाडि वैशाख १८ गते काम गर्न ल्याएका थिए । त्यहाँ आउन अगाडि तिलोत्तमाकै शिवपुुरस्थित रामुु साहनीको पशुु फर्ममा काम गर्थे । त्यहाँबाट उनी निकालिएपछि पुुनलाई कामदार चाहिएको सिंजालीलाई फर्ममा काम दिए । सिंजाली लकडाउन पूर्व नै सुर्खेतबाट रुपन्देही आएको बताइएको छ । ‘श्रीमतीले मलाई छाडेर गई । मलाई काम दिनुुप-यो भनेर आयो । मलाई काम गर्ने मानिस चाहिएकोले राखे । धेरै बोल्दैन्थ्यो । रक्सी भने खाइराख्थ्यो ।’ सञ्चालक कृष्ण पुुनले भने ।
एक साता अगाडि झसेन्द्र र माधव र जानकीबीच पनि झगडा पनि भएको थियो । झसेन्द्र मानसिक सन्तुुलन ठीक नभएको व्यक्ति रहेको त्यहाँका स्थानीय बताए । झसेन्द्र रक्सी खाँदै टोलमा हिडने गर्थे । माधव र जानकीले दुुई वर्षदेखि फर्मका काम गर्दै आएका थिए । फर्ममा १६ वटा भैसी ४ वटा गाई र १६ वटा पाडापाडी छन् ।
प्रहरी आपसी झगडाबाट हत्याको रुप लिएको बताउँछ । डिसपी खत्रीले भने, ‘कामदारको आपसी बिवादले हत्या भएको जस्तो देखिन्छ । सिंजालीले हत्या गरेको स्वीकार गरेका छन् । अन्य अनुसन्धानको प्रक्रियामा छौं ।’ हत्यामा झसेन्द्र संलग्न भएको देखिन्छ । जिल्ला प्रहरी कार्यालय रुपन्देहीका प्रमुुख एसपी हेमकुमार थापाले अहिले हामी अनुुसन्धानमै रहेकोले केही भन्न सक्ने अवस्था नरहेको बताए ।
जो टुहुरो बने
गंगादेवी पशु फार्ममा हत्या भएका माधव मुसहर र जानकी मुसहरका छोरो हुन् १८ वर्षीय करण चौधरी । करण पनि बुवाआमाले काम गर्ने फर्म गंगादेवी फर्मको नजिकै अर्को व्यक्तिको फर्ममा काम गर्थे । समय–समयमा बुवाआमालाई काममा सघाउन आउने पनि गर्थे । उनी सोमवार पनि पानी परिरहेको अवस्थामा बुवाुआमाले काम गर्ने ठाउँमा आए । आमाले दाउरा बोक्दै गरेको देखेपछि सघाए । उनी बेलुकातिर आफूले काम गर्ने फर्ममा नै फर्किए ।
चौधरीले भने, ‘हिजो दिउँसो बुवाआमालाई यहीँ आएर भेटको थिएँ । बिहान भाइ अर्जुनले बुवाआमा त बोल्नुहुन्न भन्यो आएर हेर्दा त बुवाको हत्या भएको देखें । बुवाआमाको हत्या गरेर मलाई टुहुरो कसले बनायो ?’ हत्या आफूले गरेको स्वीकार गरेको झसेन्द्र सिंजालीलाई करणले अंकल भन्थे । मंगलबार बिहान उनलाई खबर पुग्यो बुवाआमा रहेनन् । ‘म अर्को फर्ममा गोबर सोहोरेर फाल्दै थिएँ, त्यत्तिकैमा भाइ आएर भन्यो, मम्मी–पापा हुनुहुन्न, कहाँ जानुभयो भनेर सोधे । भाइले अंकलले मार्दियो भन्यो, त्यहीँदेखि रुँदै चिच्याउँदै आयौं,’ रोएर आँसु सुकाइसकेका करण भन्छन् ।
पाँचै जनाको हत्या गरेको स्वीकार गरेका झसेन्द्र र करणका बुवाबीच पटक–पटक कुरा नमिलेर झगडा भइरहने करणले पनि थाहा पाइरहेका थिए । उनी आउँदा आफ्ना बुवा र अंकल झसेन्द्रको जहिले पनि विवाद हुन्थ्यो । ‘भैंसीलाई घाँस हाल्ने कुरामा पनि झगडा हुन्थ्यो, काम गर्न अटेरी गर्ने गर्नुहुन्थ्यो अंकलले अनि बुवासँग झगडा पर्थ्यो,’ करणले सम्झिए । जेठ १४ गतेतिर उनीहरूबीच भनाभन भएको थियो । पत्नीले छाडेपछि सिंजाली एक्ला भएका थिए । आफूलाई वास्ता गर्ने कोही नभएको भनेर सिंजालीले दुःख सुनाउने गरेको स्थानीय बताउँछन् ।
(प्रकाश आचार्यले लेखेको यो समाचार राजधानी दैनिकबाट साभार गरिएको हो ।)
Discussion about this post