मोरङको सुन्दरहरैँचा नगरपालिकामा पर्ने नयाँ बृन्दाबन गौशाला अहिले पर्यटकको रोजाईमा पर्न थालेको छ । धार्मिक पर्यटकीय क्षेत्र बनाउँनका लागि यहाँ अहिले विश्वकै ठूलो गाईको मूर्ति समेत निर्माणाधिन अवस्थामा रहेको छ ।
हामीले विश्वकै ठूलो गाईको मूर्ति निर्माण गरिरहेका छौँ, राधेश्याम सेवा ट्रष्ट नयाँ बृन्दाबन गौशालाका संथापक संरक्षक दीनबन्धु शास्त्रीले टाकुरासँग भने, २०६५ सालबाट सुरु भएको नयाँ बृन्दाबनले पर्यटकहरुको मन लोभ्याउँन थालेको छ ।
उनका अनुसार अहिले यहाँ आन्तरिक तथा बाह्य पर्यटकहरु आउँने, सेल्फी खिच्ने गरेका छन् ।
यहाँ ५१ फिट उचाईको गाईको मूर्ति बन्दै गरेको उनको भनाई रहेको छ ।
विशेष गरेर अहिले भ्रमण बर्षको अवसरमा पनि मानिसहरुको चहलपहल बढको हो, शास्त्री भन्छन्, यो बर्ष यहाँ हजारौँको संख्यामा पर्यटक आउँने हाम्रो विश्वास छ । उनका अनुसार बृन्दाबन धार्मिक पर्यटक मात्रै नभएर अन्य पर्यटकको रोजाईमा पनि पर्ने गरेको छ । यसले निकट भविष्यमा यहाँका समुदायलाई रोजगारीको सृजना गर्ने समेत शास्त्रीको भनाई रहेको छ ।
Discussion about this post