इटहरी : नेपाली काँग्रेस इटहरी उपमहानगर समितिले काँग्रेसको नगर गीत सार्वजनिक गरेको छ ।
स्थानीय तहको निर्वाचनलाई लक्षित गर्दै नेपाली काँग्रेस नगर समितीले प्रचार प्रसारका लागि नयाँ गीत तथा भिडियो सार्वजनिक गरेको हो ।
आज इटहरीमा पत्रकार सम्मेलनको आयोजना गरी नयाँ गीत र म्युजिक भिडियो सार्वजनिक गरिएको हो । नेपाली काँग्रेसका उपमहानगर सचिव विक्रम घिमिरेले नेपाली काँग्रेसको नगरगीत सार्वजनिक गरेका हुन् ।
“बोकौँ है चार तारे झण्डा, काँग्रेस नै राम्रो छ सबैभन्दा” बोलको गीत तथा म्युजिक भिडियो सार्वजनिक गरिएको हो । गीतको शब्द नगर सचिव विक्रम घिमिरे र निमेश घिमिरेले लेखेका हुन् भने स्वर, संगीत गायक राजन क्षेत्रीको रहेको छ ।
गीतको भिडियोको निर्देशन रोनिस राउतले गरेका हुन् भने प्रोडक्सन डोर्स ओपनले गरेको हो । गीत इटहरीको पर्यटकीय स्थल तालतलैयामा खिचिएको छ ।
तालतलैयाका मनोरम दृश्यसँगै इटहरीको ताजा अवस्था देखाइएको छ । इटहरीका भित्री गाउँ र सहिरलाई पनि भिडियोमा देखाइएको छ ।
गीतमा इटहरीको विकास र सम्बृद्धि अब नेपाली काँग्रेसले गर्ने शब्दद्धारा व्यक्त गरिएको छ ।
गीत संगीतमार्फत काँग्रेसको अभियान गाँउगाउँसम्म र हरेक नागरिकसम्म पुर्याउन गीत तयार गरिएको नगर सचिव घिमिरले बताए ।
भिडियो
Discussion about this post