इटहरी : एकीकृत सरकारी कर्मचारी संगठन नेपाल सुनसरीले मैत्रीपूर्ण फुटबल प्रतियोगिताको आयोजना गरेको छ ।
शनिबार इटहरीको जनता माविको खेल मैदानमा भएको मैत्रीपूर्ण खेलमा पुरुष र महिलाको टिम सहभागी भएको थियो ।
प्रतियोगितामा पुरुष शिक्षक कर्मचारीतर्फ शिक्षकको समूहलाई ४–० गोल अन्तरले पराजित गर्दै कर्मचारी समूहले जीत हासिल गरेको छ ।
यस्तै, महिलातर्फको खेलमा दुवै टिमले गोल नगरी सकिएको थियो ।
एकीकृत सरकारी कर्मचारी संगठन जिल्ला कार्यसमिति सुनसरीका अध्यक्ष गणेश भट्टराईको सभापतित्वमा सम्पन्न भएको प्रतियोगितामा विजयीहरूलाई परस्कृत गरियो ।
ट्रेड युनिनियका केन्द्रीय अध्यक्ष भोलानाथ पोखरेलको प्रमुख आतिथ्यतामा सम्पन्न खेलमा नेकपा एकीकृत समाजवादीका केन्द्रीय सदस्य तथा राष्ट्रिय खेलकुद परिषदका पूर्व सदस्य सचिव केशव कुमार विष्ट र प्रगतिशिल नेपाल राष्ट्रिय शिक्षक संगठनका केन्द्रीय सदस्य बोधराज नेपालले पुरस्कार प्रदान गरेको एकीकृत सरकारी कर्मचारी सगठनको संगठन बिभाग प्रमुख प्रकाश राईले जानकारी दिए ।
Discussion about this post