इटहरी : विश्व वातावरण दिवसरको अवसर पारेर इटहरीका विभिन्न ठाउँमा वृक्षारोपण गरिएको छ ।
इटहरी २० तरहरामा वडा कार्यालय र तरहरा जेसीजको सहकार्यमा वृक्षारोपण गरी वातवरण दिवस मनाइएको छ ।
वडाध्यक्ष मणिराम श्रेष्ठ, तरहरा जेसीज २०२२ का अध्यक्ष उमेश राई लगायतले तरहराको मुख्य हाईवेमा रहेको सडकको बीच भागमा रहेको खाली जमिनमा वृक्षारोपण गरेका छन् । धुपी तथा विभिन्न प्रजातिका फूलहरूको बिरुवा रोपिएको हो ।
यस्तै, इटहरी ४ शान्ति टोलमा रहेको ट्याङ्ग्रा खोला किनारमा बाढी मापन स्केल स्थापना तथा वृक्षारोपण गरिएको छ ।
लायन्स क्लब र लियो क्बल अफ इटहरी इनोभेसनले बाढी मापन स्केल स्थापना तथा वृक्षरोपण गरेको हो ।
कार्यक्रमका संयोजक लियो क्लब अफ इटहरी इनोभेसनका अध्यक्ष सुजन घिमिरेका अनुसार उक्त क्षेत्रमा बर्खाको समयमा बाढीले क्षति गर्ने भएकाले खोला किनारमा दुई दर्जन बढी बिरुवाहरू रोपिएको हो ।
Discussion about this post