झापा : झापाको गौरीगञ्जमा तीव्र गतिमा रहेको मोटरसाइकल आफैँ अनियन्त्रित भएर दुर्घटनाहुँदा एक युवकको मृत्यु भएको छ भने एकजना घाइते भएका छन् ।
जिल्ला प्रहरी कार्यालयका सूचना अधिकारी प्रहरी नायब उपरीक्षक कृष्णकुमार चन्दका अनुसार हुलाकी सडकको पश्चिम गौरीगञ्ज बजारमा गएराति ९ः२० बजेतिर मोटरसाइकल दुर्घटना भएको हो ।
दुर्घटनामा मोटरसाइकल चालक रोशन मगरको मृत्यु भएको छ । मोटरसाइकलको पछाडि सवार श्याम राजवंशी घाइते भएका छन् ।
उनको उपचार भइरहेको प्रहरीले जनाएको छ ।
गौरीगञ्ज बजारबाट पूर्व कोरोबारीतर्फ जाँदै गरेको मे ८ प ८८९५ नम्बरको मोटरसाइकल आफैँ अनियन्त्रित भई दुर्घटना भएको प्रहरीको प्रारम्भिक अनुसन्धानबाट खुलेको छ ।
तीव्र गतिका कारण दुर्घटना भएको प्रहरीलले जनाएको छ । घटनाारे थप अनुसन्धान भइरहेको प्रहरीको भनाइ छ ।
Discussion about this post