इटहरी : सुनसरीको इनरुवा नगरपालिका–४ बसचोकस्थित पूर्व–पश्चिम राजमार्गमा लागूऔषधसहित दुई जनालाई प्रहरीले पक्राउ गरेको छ।
जिल्ला प्रहरी कार्यालय सुनसरी र अस्थायी प्रहरी पोष्ट बसपार्क इनरुवाबाट खटिएको संयुक्त टोलीले चेकजाँचका क्रममा को २७ प ६८८६ नम्बरको स्कुटर रोकी खानतलासी गर्दा स्कुटर चालक धरान उपमहानगरपालिका–५ का ३५ वर्षीय रामकुमार रसाईलीको साथबाट २.३० ग्राम ब्राउनसुगर बरामद गरेको हो।
स्कुटरमा पछाडि सवार सोही स्थानका २९ वर्षीय राकेश तामाङलाई पनि नियन्त्रणमा लिइएको प्रहरीले जनाएको छ।
दुवै जनालाई बरामद लागूऔषध र स्कुटरसहित नियन्त्रणमा लिएर जिल्ला प्रहरी कार्यालय सुनसरीमा थप अनुसन्धान भइरहेको प्रहरीको भनाइ छ।
Discussion about this post