जिल्ला प्रहरी कार्यालय मोरङमा कार्यरत प्रहरी निरीक्षक पपु नायक सर्वोत्कृष्ट प्रहरी घोषित भएका छन् ।
जघन्य प्रकृतिका अपराधको अनुसन्धानमा अब्बल ठहरिएका उनलाई १ नम्बर प्रदेश प्रहरी कार्यालय विराटनगरले पौष महिनाको ‘सर्वोत्कृष्ट प्रहरी’ घोषित गरेको हो ।
विभागीय मूल्य–मान्यता, आदेश–निर्देशनको पालना गरी व्यवसायिक, लगनशील र कर्तव्यनिष्ठ तवरले कर्तव्य पथमा तल्लीन रही उच्च मनोवल र साहसका साथ आफ्नो कर्तब्य निर्वाह गरी अपराध अनुसन्धानको क्षेत्रमा विशेष योगदान पु¥याएको कारणले सवोत्कृष्ट प्रहरी घोषित गरेको प्रदेश प्रहरी कार्यालय विराटनगरले जनाएको छ ।
गत असोज १० गतेदेखि नायक मोरङ प्रहरी आएसँगै उनले अवैध मानिएको मिटरब्याजी धन्दामा लागेको गिरोह देखि अनलाइन ठगी र चोरीको सफल अनुसन्धान गर्दै आएका छन् ।
मिटरब्याजमा लगानी गरि सर्वसाधरणलाई ‘टाट’ पल्टाउने गिरोलाई पक्राउ गरि उनले अनुसन्धान गर्दै आएका छन् ।
Discussion about this post