इटहरी : इटहरी उपमहानगरको आठौँ नगरसभा सम्पन्न भएको छ ।
फागुन १४ गते सुरु भएको नगरसभा चैत २ र ३ गते बसेर सम्पन्न भएको हो । सभाले १ अर्ब ९५ करोड ४० लाखको संशोधित पूरक आयव्यय अनुमान पारित गरेको छ ।
यसैगरि विनियोजन ऐन संशोधन विधेयक र आर्थिक ऐन संशोधन विधेयक पारित भएको छ ।
नगरसभाले इटहरी उपमहानगरका कर्मचारीको तह तथा स्तरवृद्धि सम्वन्धमा ब्यवस्था गर्न बनेको विधेयक २०७७ र इटहरी उपमहानगरका कर्मचारीको स्थायी तथा करार नियुक्ति गर्ने सम्बन्धमा ब्यवस्था गर्न बनेको विधेयक २०७७ पारित गरेको छ ।
यस्तै, विपद् जोखिम न्यूनिकरण तथा ब्यवस्थापन गर्ने सम्बन्धमा ब्यवस्था गर्न बनेको विधेयक, इटहरी उपमहानगरपालिकाको केही ऐनलाई संशोेधन गर्न बनेको विधेयक, इटहरी स्वास्थ्य ऐनका सम्वन्धमा बनेको विधेयक, इटहरी भू–उपयोग तथा जग्गा ब्यवस्थापन गर्न बनेको विधेयक, टोल विकास संस्था संचालन तथा ब्यवस्थापन गर्न बनेको विधेयक पारित भएको छ ।
उपमहानगरपालिकाका प्रमुख द्धारिकलाल चौधरीले कोरोना महामारीका कारण लक्ष्य बमोजिमको राजस्व संकलन हुन नसक्दा सातौँ नगरसभावाट स्वीकृत कार्यक्रम र विकास निर्माणमा असर परेको बताए ।
Discussion about this post