इटहरीका भोजराज चेक बाउन्सको आरोपमा पक्राउ

इटहरी : इटहरीका भोजराज गुरागाईँ चेक बाउन्सको आरोपमा पक्राउ परेका छन् ।
जिल्ला प्रहरी कार्यालय दाङले चेक बाउन्सको आरोपमा गुरागाईंलाई पक्राउ गरेको हो ।
गुरागाईंले दिएको तीन लाख २० हजारको चेक नसाटिएकाले पीडितले जिल्ला प्रहरी कार्यालय दाङमा उजुरी दिएपछि गुरागाईंविरुद्ध बैँक कसुर मुद्दा दर्ता गरिएको जिल्ला प्रहरी कार्यालय दाङका प्रहरी नायब उपरीक्षक सुमीत खड्काले बताए । उनीमाथि थप अनुसन्धान भइरहेको प्रहरीले जनाएको छ ।