कोसी अस्पतालको शौचालयमा सुनसरीका एक पुरुष मृत भेटिए

विराटनगर : विराटनगरस्थित कोसी अस्पतालको शौचालयमा एक पुरुष मृत भेटिएका छन् ।

सुनसरीको जिल्ला अस्पताल इनरुवाको ओपिडी पुर्जा हातमा बोकेको अवस्थामा कोसी अस्पतालको ओपिडी भवनमा रहेको शौचालयमा मङ्गलबार दिउँसो साढे १ बजेतिर शव भेटिएको हो ।

ओपिडी पुर्जामा लेखिएअनुसार मृत भेटिएका पुरुष सुनसरीको इनरुवा नगरपालिका–३ का ६१ वर्षीय होमराज पोखरेल रहेको प्रहरीले जनाएको छ ।

घोप्टो परेर लडिरहेको अवस्थामा पुरुषलाई मृत फेला पारिएको र घटनाका बारेमा अनुसन्धान थालिएको प्रहरीले जनाएको छ ।