संखुवासभा : अरुण तेस्रो जलविद्युत आयोजनामा कार्यरत एक भारतीय मजदुरको मृत्यु भएको छ ।
संखुवासभाको चिचिला गाउँपालिका–३ सोलाखानीस्थित निर्मार्णाधीन आयोजनाको अडिट ३ मा कार्यरत भारतको मध्य प्रदेशका ४५ वर्षीय मुगेरीलाल सिंहको सुरुङभित्र काम गर्ने क्रममा माथिबाट खसेको ढुंगाले किचेर घाइते भएका थिए ।
उनको उपचारको क्रममा जिल्ला अस्पताल संखुवासभामा मृत्यु भएको जिल्ला प्रहरी कार्यालय संखुवासभाका डिएसपी लालध्वज सुवेदीले जानकारी दिए ।
मृतक सिंहको शव पोष्टमार्टमका लागि जिल्ला अस्पताल संखुवासभामा राखिएको प्रहरीले जनाएको छ ।
घटनाको सम्बन्धमा अनुसन्धानका लागि प्रहरी घटनास्थलमा खटिसकेको प्रहरीले जनाएको छ । सुरूङ भित्र मजदुरलाइ सुरक्षा सामग्री प्रदान नगर्नाले जोखिमका काम गर्नुपर्ने भएकाले अत्याधिक दुर्घटना हुनेगरेको मजदुरहरूको भनाइ छ ।
Discussion about this post