सुनसरीमा १२ सहित प्रदेश १ मा थप ४२ जनामा कोरोना संक्रमण

सुनसरीमा १२ जना सहित प्रदेश १ मा आज ४२ जनामा कोरोना भाइरस संक्रमण पुष्टि भएको छ । थपिएका मध्ये १३ महिला र २९ पुरुष रहेका छन् ।

सुनसरीमा १२, मोरङमा १०, तेह्रथुममा ९, उदयपुरमा ३, धनकुटा र झापामा १–१, प्रदेश १ बाहिरका ६ जनामा कोरोना संक्रमण देखिएको सामाजिक विकास मन्त्रालयले जनाएको छ । सुनसरीको धरानमा ३ महिला र ३ पुरुष, कोशी गाउँपालिकामा ४ पुरुष, रामधुनी र दुहवीमा १–१ पुरुषमा संक्रमण पुष्टि भएको छ ।

यस्तै, मोरङको बुढीगंगामा २ महिला र २ पुरुष, सुन्दरहरैचामा १ महिला र ५ पुरुषमा पिसिआर पोजेटिभ देखिएको छ भने तेह्रथुमको म्याङलुङमा ३ महिला र ६ पुरुषमा संक्रमण पुष्टि भएको छ ।

यसैगरि, उदयपुरको त्रियुगामा १ महिला र ३ पुरुष, धनकुटाको शहिदभुमी र झापाको गौरीगञ्जमा १–१ पुरुषको रिपोर्ट पोजेटिभ आएको सामाजिक विकास मन्त्रालयले जनाएको छ ।

मन्त्रालयका अनुसार प्रदेश १ बाहिरका महोत्तरीका २ महिला र १ पुरुष, धनुषा र जनकपुरका १–१ पुरुष तथा सिरहाका १ महिलामा कोरोना संक्रमण देखिएको छ ।

यो सँगै प्रदेश १ मा कोरोना संक्रमितको संख्या २ हजार ३ सय ९७ पुगेको छ ।