मोरङ : मोरङको कानेपोखरी गाउँपालिका–६ मा रहेका एउटा घरमा शुक्रबार राति आगलागी भएको छ ।
जगत घिसिङको दुई तले घरमा आगलागी भएको हो । आगोले घरसहित घरभित्र रहेका सबै सामान जलेर नष्ट भएको प्रहरीले जनाएको छ । प्रहरीका अनुसार घरछेउमा राखिएको हाते ट्याक्टरसमेत जलेको छ ।
आगलागीमा १० लाख मूल्य बराबरको क्षति भएको प्रहरीले जनाएको छ । विद्युतको लाइन सर्ट भएर आगलागी भएको हुनसक्ने अनुमान गरिएको छ । दमकल र स्थानीयको सहयोगमा प्रहरीले डेढ घण्टापछि आगो नियन्त्रणमा लिएको थियो ।
Discussion about this post