इटहरी : लोकप्रिय कलाकार श्रीकृष्ण लुइँटेल ‘बोके दाह्री’ ले इटहरीमा रहेको बाल आश्रमलाई सहयोग हस्तान्तरण गरेका छन् ।
प्रवासी नेपालीहरूले संकलन गरेको नगद तथा जिन्सी गरी ६० हजार २ सय २८ रूपैँया बराबरको सहयोग इटहरीको निःसहाय बालबालिका सेवा आश्रमलाई हस्तान्तरण गरिएको हो ।
आश्रममा खाद्यान्न, ब्याग, बालबालिकाले खेल्ने खेलौना तथा दैनिक प्रयोजनमा चाहिने आवश्यक सामाग्रीहरु हस्तान्तरण गरिएको हो । उल्टो साइकल यात्री प्रतिष्ठान तथा स्कोलोष्टिक फाउन्डेसन नेपालले प्रवासमा सहयोग संकलन कार्यमा संयोजन गरेका थिए भने नेपालमा आश्मासंगै नैनाले संयोजकत्व गरेका थिए ।
लुईँटेलले आश्रमकी सञ्चालिका गीता गौतमलाई सहयोग सामाग्री हस्तान्तरण गरेका हुन् ।
इटहरी ४, सयपत्री टोलमा रहेको निःसहाय बालबालिका सेवा आश्रम अनाथ र असहाय बालाबालिकाहरुको सेवा गर्ने उद्देश्यले ०४१ सालमा स्थापना भएको हो ।
हाल आश्रममा ४५ जना बालबालिकाहरू रहेका छन् ।
Discussion about this post