धरान : वर्षेनी धरानमा आयोजना हुँदै आएको क्लबस्तरीय होराइजन बास्केटवल प्रतियोगिता यसबर्षदेखि राष्ट्रियस्तरको हुने भएको छ ।
आयोजक होराइजन क्लबले आइतबार पत्रकार सम्मेलन गर्दै प्रतियोगिता राष्ट्रियस्तरको आयोजना गर्ने जानकारी दिएको हो ।
पाँचौं राष्ट्रिय होइराइजन बास्केटबल कप प्रतियोगिता यही चैत १४ गतेदेखि १७ गतेसम्म आयोजना गर्ने जानकारी दिइएको छ । क्लबका अध्यक्ष बसन्त राईका अनुसार प्रतियोगिता धरान १७ स्थित श्री माविको बास्केटवल कोर्टमा आयोजना हुनेछ ।
प्रतियोगितामा विभिन्न ८ वटा टिमको सहभागिता हुनेछ । प्रदेश नं. १ बाट आयोजक होराइजन क्लब धरान, इमोर्टल क्लब धरान, ब्रदर्श क्लब धरान, तरहरा बास्केटवल क्लब इटहरी र युवा जागृति क्लब धरानको टिम हुनेछ भने काठमाण्डौंबाट नेपाल आर्मी र टाइम्स क्लब सहभागी हुने अध्यक्ष राईले जानकारी दिए ।
यस्तै, रुपेन्देही जिल्लाको बास्केटवल टिम पनि सहभागी हुनेछ । प्रदेश नं. १ को टिम प्रतिस्पर्धा गरेर नै ५ वटा टिम छनौट गरिएको पनि उनले बताए ।
प्रतियोगिताको च्याम्पियनले नगद १ लाख पाउनेछ भने उपविजेताले ५० हजार हात पार्नेछ । यस्तै, सर्वोत्कृष्ट खेलाडीलाई नगद १० हजारसहित पुरस्कृत गरिनेछ भने नवप्रतिभा घोषित खेलाडीलाई नगद ५ हजार दिइने आयोजक क्लबले जनाएको छ ।
Discussion about this post