मोरङ : मोरङको पथरीमा दुर्घटनामा परी दुई जनाको घटनास्थलमै मृत्यु भएको छ ।
पथरीशनिश्चरे नगरपालिका २ जयचौकस्थित पूर्व–पश्चिम राजमार्गमा बुधबार राति १२ बजे दुर्घटनामा परी दुई जनाको मृत्यु भएको हो ।
दुर्घटनामा परि झापाको झापा गाउँपालिका ६ शरणमतीका ६० वर्षीय लक्ष्मी भन्ने लिलानाथ पौडेल र मोरङको रंगेली नगरपालिका ३ रन्जीका ७६ वर्षीय विष्णुमाया सिवाकोटीको मृत्यु भएको मोरङ प्रहरीका प्रवक्ता डीएसपी मानबहादुर राईले जानकारी दिए ।
पथरीको जयचौकमा पूर्वबाट पश्चिमतर्फ गइरहेको मे १ च १८५१ नम्बरको स्कारपियोलाई सोही दिशातर्फ जाँदै गरेको ना २ ख ९४७३ नम्बरको मालवक सवारीसाधनले ठक्कर दिएको प्रहरीले जनाएको छ ।
मालवक सवारी साधनको ठक्करबाट स्कारपियोमा सवार दुई जनाको घटनास्थलमा मृत्यु भएको थियो भने तीन जना गम्भीर घाइते भएको डीएसपी राईले जानकारी दिए ।
घाइते हुनेहरूमा झापा बिर्तामोड नगरपािलका २ चारपानेका ३३ वर्षिय बिकाश उप्रेती, सोही ठाउँका ४५ वर्षिय बिनिता पौडेल र हल्दीवारी गाउँपालिका ५ का २५ वर्षिय रोशन उप्रेती रहेको प्रहरीले जनाएको छ ।
उनीहरुको विराटनगरस्थित गोल्डेन अस्पतलामा उपचार भइरहेको छ ।
Discussion about this post