इटहरी : इटहरी उपमहानगरपालिका–१० शिवनारायण टोलबाट प्रहरीले ब्राउनसुगरसहित तीन जनालाई पक्राउ गरेको छ।
कोशी प्रदेश प्रहरी कार्यालय विराटनगर र इलाका प्रहरी कार्यालय इटहरीबाट खटिएको संयुक्त प्रहरी टोलीले इटहरी–१० का ४१ वर्षीय मोहन गुरुङको घरमा खानतलासी गरेको थियो।
सो क्रममा गुरुङसहित इटहरी–१० की ४९ वर्षीया कुमारी राई (गुरुङ) र इटहरी–४ का २३ वर्षीय अर्जुन काफ्लेलाई नियन्त्रणमा लिइएको प्रहरीले जनाएको छ।
प्रहरीका अनुसार उनीहरूको साथबाट ५.८५ ग्राम ब्राउनसुगर र नगद १८ हजार ५० रुपैयाँ बरामद भएको छ।
लागूऔषध कारोबार भइरहेको भन्ने सूचनाका आधारमा उनीहरूलाई नियन्त्रणमा लिइएको प्रहरीले जनाएको छ।
पक्राउ परेका तीनै जनालाई लागूऔषधसहित इलाका प्रहरी कार्यालय इटहरीमा राखेर थप अनुसन्धान भइरहेको छ।
Discussion about this post