संखुवासभा : संखुवासभा । जिल्लाको चिचिला गाँउपालिका ३ मा निर्माणाधिन अरुण तेस्रो जलबिद्युत आयोजना पुखुवामा पाथीभरा कन्ट्रक्सनद्धारा संचालनमा रहेको बा ५ ख १४० नम्बरको टिपर भीरबाट खस्दा एकको घटनास्थलमा नै मृत्यु भएको छ भने एकजना घाइते भएका छन् ।
मृत्यु हुनेमा टिपरमा सवार धनकुटाका २२ वर्षीय दिपेश भटराई रहेका छन् भने घाइते टिपर चालक काभ्रेपलान्चोक भकुण्ढेबेसीका २० वर्षीय नवराज श्रेष्ठ रहेका छन् ।
बुधबार बेलुका टिपरबाट ढुंगा अनलोड गर्ने क्रममा पछाडि सार्दा टिपर अनियन्त्रीत भई भिरबाट अन्दाजी ३०० मिटर तल अरुण नदीको बगरमा झर्दा दुर्घटना भएको थियो ।
घटनाको जानकारी पाउना साथ अस्थाई प्रहरी बेस पुखुवा दोभानबाट गएको प्रहरी टोलीले घाईतेलाई उद्धार गरी उपचारको लागि जिल्ला अस्पताल खाँदबारी तर्फ पठाएको प्रहरीले जनाएको छ ।
Discussion about this post