पहिरोसँगै झरेको ढुंगाले लागेर पाँचथरमा एकको मृत्यु

पाँचथर : पाँचथर याङवरक गाउँपालिका २ मा पहिरोसँगै झरेको ढुंगाले लागेर एकजनाको मृत्यु भएको छ ।

मृत्यु हुनेमा याङवरक २ लेखेवाका ५८ वर्षीय टेकनाथ धौराली रहेका छन् । उनको टाउको, शरीरमा ढुंगाले लागेर घटनास्थलमै मृत्यु भएको प्रहरीले जनाएको छ ।

नुवाखोलाबाट निकालिएको पानीको कुलो बनाउने क्रममा पहिरोसँगै आएको ढुंगाले लागेको प्रहरीको प्रारम्भिक अनुसन्धानबाट खुलेको छ ।

घटना सम्बन्धमा थप अनुसन्धान भइरहेको प्रहरीले जनाएको छ ।