इटहरी : उदयपुर र सोलुखुम्बुमा दुर्घटनामा दुईजनाको मृत्यु भएको छ । प्रदेश १ का भिन्नाभिन्नै दुई जिल्लामा मोटरसाइकल दुर्घटना हुँदा दुईजनाको मृत्यु भएको हो ।
पूर्व क्षेत्रीय ट्राफिक प्रहरी कार्यालय इटहरीका अनुसार उदयपुरको त्रियुगा नगरपालिका ३ मोतिगडास्थित सगरमाथा सडकखण्डमा गाइघाटबाट मोतिगडा जाँदै गरेको प्र–०१–०५–००१ प ३७१४ नम्बरको मोटरसाइकल आफैँ अनियन्त्रित भएर दुर्घटना हुँदा मोटरसाइकल चालक ३४ वर्षीय शान्तिराम राईको मृत्यु भएको छ ।
दुर्घटनामा गम्भीर घाइते भएका उनको उपचारको लागि जिल्ला अस्पताल लगिएको थियो । उपचारको क्रममा उनको मृत्यु भएको प्रहरीले जनाएको छ ।
यस्तै, सोलुको दूधकोशी गाउँपालिका ५ स्थित भित्री सडक खण्डमा बा ५४ प ७७२९ नम्बरको मोटरसाइकल दुर्घटना हुँदा वडा नं २ का ३२ वर्षीय सुमन राईको मृत्यु भएको छ ।
आफैँले ओढेको पानी बर्सादी मोटरसाइकलको पछाडि चक्कामा बेरिएर दुर्घटना भएको प्रहरीले जनाएको छ ।
Discussion about this post