ओखलढुङ्गा : ओखलढुङ्गाको मानेभन्याङ गाउँपालिका ५ ताराबारीस्थित सिद्धिचरण राजमार्गमा मोटरसाइकलको ठक्करबाट एकजना पैदलयात्रीको मृत्यु भएको छ । मृत्यु हुनेमा सोही पालिका ओखरबोटकी ५० वर्षीया कर्ममाया मगर रहेकी छन् ।
बुधबार बेलुका ओखलढुङ्गा सदरमुकामबाट हर्कपुरतर्फ जादै गरेको बा ३६ प ३५२२ नम्बरको मोटरसाइकलको ठक्करबाट गम्भीर घाइते भएकी उनको मिसन अस्पताल ओखलढुङ्गामा उपचारको क्रममा मृत्यु भएको प्रहरीले जनाएको छ ।
मोटरसाइकल र चालक सोही स्थानका २१ वर्षीय रेवत बहादुर पुलामी मगरलाई प्रहरी चौकी मानेभन्ज्याङको नियन्त्रणमा राखेर थप अनुसन्धान तथा कारबाही अगाडि बढाइएको प्रहरीले जनाएको छ ।
Discussion about this post