बराहक्षेत्र : नेपाली कांग्रेसको १४ औं महाधिवेशनमा निर्वाचित पदाधिकारीहरूलाई प्रेस युनियन बराहक्षेत्र नगर समितिले सम्मान गरेको छ ।
नगर अधिवेशनमा निर्वाचित भएका पदाधिकारीहरूलाई प्रेस युनियन बराहक्षेत्र नगर समितिले आज (सोमबार) सम्मान गरेको हो ।
नेपाल प्रेस युनियन सुनसरीका सभापति पवन अधिकारीको प्रमुख आतिथ्यतामा नगरको वडा नम्बर ३ नडाहामा आयोजित कार्यक्रममा प्रेस युनियन बराह नगर समितिले बराह नगर सभापति रमेश कार्की लगायत १८ जना पदाधिकारीहरूलाई सम्मान गरिएको हो ।
सुनसरी निर्वाचन क्षेत्र नम्बर ४ अन्तर्गतका विभिन्न समितिका पदाधिकारीहरूको उपस्थिति रहेको कार्यक्रममा बोल्दै वक्ताहरुले निर्वाचित पदाधिकारीहरुलाई सफल कार्यकालको बधाई ज्ञापन दिएका छन् ।
कार्यक्रममा वक्ताहरूले नयाँ निर्वाचित समितिले बराहक्षेत्र नगरपलिकामा कांग्रेसलाई एक ढिक्का बनाएर आसन्न निर्वाचनमा स्थानीय निर्वाचनमा विजय हासिल गर्न शुभकामना समेत दिएका थिए ।
सम्मान ग्रहण गरेपछि आफ्नो मन्तब्य राख्दै नगर सभापति रमेश कार्कीले अधिवेशन पार्टीको आन्तरिक प्रतिस्पर्धा भएको बताउँदै अब पार्टीलाई एकजुट बनाएर अगाडि बढाउन आफू प्रतिबद्दता रहेको बताएका छन् ।
कार्यक्रमका प्रमुख अतिथि युनियन सुनसरीका सभापति पवन अधिकारीले निर्वाचित पदाधिकारीलाई शुभकामना दिदैं बराह काङ्ग्रेस एकढिक्का भएर आसन्न निर्वाचनमा स्थानीयदेखि केन्द्र सम्मको निर्वाचनमा काङ्ग्रेस उमेदवारलाई जिताउनु पर्ने बताए।
अधिकारीले भने, `हामी एकजुट हुँदा हाम्रो जित सुनिश्चित छ। यसम द्विविधा नलिए हुन्छ।´ कार्यक्रममा बोल्दै नेपाली काङ्ग्रेस बराहक्षेत्रका नेता एवम महासमिति सदस्य बाबुराम विष्टले निर्वाचित पदाधिकारीलाई बधाई एवम् सम्मान गरेकोमा प्रेस युनियनलाई धन्यवाद दिदै नयाँ निर्वाचित कार्यसमितिले बराहक्षेत्र सशक्त रूपमा पार्टी गतिविधिलाई अगाडि बढाउनुपर्ने बताए। त्
कार्यक्रममा युनियन बराहक्षेत्र संयोजक संगम विष्टले नव निर्वाचित कार्यसमितिलाई गरेको सम्मान तथा बधाई कार्यक्रमले प्रेस युनियन र काङ्ग्रेसबीचको सम्बन्ध र सहकार्यलाई अझै प्रगाढ र मजबुत बनाएको बताए ।
Discussion about this post