इटहरी : इटहरी उपमहानगरपालिका–१७ पकलीस्थित भित्री सडक खण्डमा शुक्राबार सिटी सफारी दुर्घटना हुँदा एक जनाको मृत्यु भएको छ भने अर्का एक गम्भीर घाइते भएका छन्।
प्रहरीका अनुसार प्रदेश नं. १-०२-००२ स ६६९५ नम्बरको पानी बोकेको सिटी सफारी पश्चिमबाट पूर्वतर्फ जाँदै गर्दा अनियन्त्रित भई सडक छेउमा रहेको फलामको बिजुलीको पोलमा ठोक्किएको थियो।
दुर्घटनामा चालक इटहरी–१८ बस्ने अन्दाजी २५ वर्षीय विकल चौधरीको मृत्यु भएको हो।
चौधरी र सोही सवारीमा सवार २६ वर्षीय उमेश श्रेष्ठ घाइते भएका थिए।
दुवै जनालाई उपचारका लागि विराटनगरस्थित विराट टिचिङ अस्पताल पठाइएकोमा चालक चौधरीको उपचारकै क्रममा राति करिब ९ बजेतिर मृत्यु भएको प्रहरीले जनाएको छ।
घाइते श्रेष्ठको टाउकोमा गम्भीर चोट लागेको र उपचार भइरहेको छ।
दुर्घटनाको कारण तीव्र गति रहेको प्रारम्भिक अनुमान गरिएको छ। दुर्घटनाग्रस्त सिटी सफारी इलाका प्रहरी कार्यालय पकलीमा राखिएको छ।
घटनाबारे थप अनुसन्धान भइरहेको प्रहरीले जनाएको छ।
Discussion about this post