इटहरी (डेस्क) : मोरङको बेलबारीबाट लुटिएको करिब १३ किलो चाँदीका गहनासहित एकजनालाई प्रहरीले पक्राउ गरेको छ ।
पक्राउ पर्नेमा महोत्तरीको बर्दिबास १ का ३४ वर्षीय मनोज ठाकुर रहेका छन् ।
मोरङ प्रहरीका प्रवक्ता डीएसपी दीपक श्रेष्ठका अनुसार नक्कली प्रहरी बनेर आएका उनले गत चैत ८ गते बेलबारी नगरपालिका ४ स्थित बेतना सिमसार नजिकबाट १२ किलो आठ सय ८१ ग्राम चाँदीका गहना लुटेर भागेका थिए ।
उक्त गहना महोत्तरीको बर्दिबासमा फेला परेको श्रेष्ठले बताए ।
इलाका प्रहरी कार्यालय बेलबारी र बर्दिबासको संयुक्त टोलीले गहना बरामद गरेको हो । पक्राउ परेका उनीमाथि थप अनुसन्धान भइरहेको प्रहरीले जनाएको छ ।
Discussion about this post