इटहरी : बैशाख ३० गते हुने स्थानीय तहको निर्वाचनमा इटहरी उपमहमानरपालिकाको मेयरमा सत्ता गठबन्धनका हेमकर्ण पौडेलले बुधबार जब साइकल चढेर मत मागे तब आमा मानिसको ध्यान खिच्यो ।
चु
नावी प्रचारप्रसार तथा घरदैलो कार्यक्रममा रहेका पौडेलले इटहरी १० स्थित आँपझोकी चौकमा साइकल चढेर मत मागेका हुन् ।
इटहरीका जनताको भावनासँग जोडिएको साइकलमा सवार गरेर उनले घरदैलो कार्यक्रममा सहभागी भएको बताए ।
‘साइकल ग्रामीण भेगको प्रमुख सवारी साधन हो, विकासका आधारभूत कुराहरू प्राप्त नभएको स्थानमा आउँदा साइकलमा आउनु राम्रो हुन्छ भन्ने लागेर साइकल चढेर मत मागेको हुँ,’ उनले भने, ‘जनताको सेवामा निस्वार्थ भावनाले काम गर्ने बाचासहित अहिले घरदैलो अभियानमा छु ।’
बैशाख ३० गते हुने स्थानीय तहको निर्वाचनमा इटहरीमा गठबन्धनको तर्फबाट मेयरमा नेपाली कांग्रेसका पौडेल र उपमेयरमा नेकपा एकीकृत समाजवादी पार्टीका केशवकुमार विष्ट चुनावी मैदानमा छन् ।
Discussion about this post