तरहरा : इटहरी उपमहानगरपालिका २० तरहरामा गठबन्धनले शक्ति प्रदर्शन गरेको छ ।
शुक्रबार तरहरा बजारमा नेपाली कांग्रेस, नेकपा एकीकृत समाजवादी, नेकपा माओबादी केन्द्रले संयुक्त रूपमा शक्ति प्रदर्शन गरेको हो ।
बैशाख ३० गते हुने स्थानीय तहको निर्वाचनमा गठबन्धनको तर्फबाट नेपाली कांग्रेसका मेयरमा उम्मेदवार हेमकर्ण पौडेल, उपमेयरमा नेकपा एकीकृत समाजवादीका उम्मेदवार केशवकुमार विष्ट, इटहरी २० मा वडाध्यक्षका उम्मेदवार मणिराम श्रेष्ठसहित सदस्यहरू धर्मा गिरी, कुमारी विक, तनुज गुरुङ (सुरेश) र बहादुर तामाङसहित सयौँ कार्यकर्ताहरूले वडा परिक्रमा गरे ।
र्यालीसहित गरिएको वडा परिक्रममा दर्जनौँ सवारीसाधनमा सयौँ मानिसहरूको सहभागिता थियो ।
वडाका सबै ठाउँमा परिक्रमा गरिएपछि तरहराको बास्केटबल कोर्टमा कोणसभा गरिएको थियो ।
कोणसभामा मेयरका उम्मेदवार हेमकर्ण पौडेल, उपमेयरका उम्मेदवार केशवकुमार विष्ट, वडाध्यक्षका उम्मेदवार मणिराम श्रेष्ठ, नेकपा एकीकृ समाजवादीका प्रदेश सदस्य रुद्र बस्नेत, नेकपा माओबादी केन्द्रका केन्द्रीय सदस्य केशर प्रधान लगायतले बोल्दै गठबन्धनलाई जिताउन आह्वान गरे ।
कार्यक्रमका प्रमुख अतिथि नेपाली कांग्रेसका केन्द्रीय सदस्य राजीव ढुंगानाले गएको पाँच वर्षमा इटहरीमा नेकपा एमालेको सरकारले काम नगरेको र अब गठबन्धनलाई जिताएमा जनताको हितमा काम हुने तर्क गरे ।
Discussion about this post