पाँचथरमा आगलागीमा परेर एक वृद्धाको मृत्यु

पाँचथर : पाँचथरमा आगलागी हुँदा ९१ वर्षीया वृद्धाको जलेर मृत्यु भएको छ ।

मृत्यु हुनेमा लुङरुपा निवासी सुखरानी नेम्वाङ रहेको जिल्ला प्रहरी कार्यालय पाँचथरले जनाएको छ ।

घरमा एक्लै बसिरहेकी नेम्वाङको आज (बुधबार) निधन भएको बताइएको छ । अगेनाबाट सल्केको आगो शरीरमा सल्किँदा उनको ज्यान गएको स्थानीयले जनाएका छन् ।

घटनाबारे थप अनुसन्धान भइरहेको जिल्ला प्रहरी कार्यालय पाँचथरका प्रहरी नायव उपरीक्षक हरि खतिवडाले जानकारी दिए ।