दुहबी : सुनसरीको दुहबी नगरपालिका ५ स्थितबाट प्रतिबन्धित लागूऔषध ब्राउनसुगरसहित दुईजनालाई प्रहरीले पक्राउ गरेको छ ।
इलाका प्रहरी कार्यालय दुहबीबाट खटिएको प्रहरी टोलीले बीआर ३८ एई ६०७५ नम्बरको मोटरसाइकललाई शंकास्पद अवस्थामा फेला पारी चेकजाँच गर्ने क्रममा पक्राउ गरिएको हो ।
मोटरसाइकल चालक भारत जोगबनीका २७ वर्षीय सोनुकुमार चौधरीले लगाएको मोटरसाइकलको हेलमेटभित्र लुकाई राखेको अवस्थामा ७० ग्राम ५ मिलिग्राम लागूऔषध ब्राउनसुगर बरामद गरेको हो ।
मोटरसाइकलको हेलमेटबाट ब्राउनसुगर बरामद भएसँगै मोटरसाइकल चालक र पछाडि सवार रहेका भारत जोगबनीका बलबिर रामलाई पक्राउ गरिएको प्रहरीले जनाएको छ ।
पक्राउ परेका उनीहरूको सुनसरी जिल्ला अदालतबाट म्याद थप गरी अनुसन्धान भइरहेको प्रहरीले जनाएको छ ।
Discussion about this post