विराटनगर : झापा, सुनसरी र मोरङ जिल्लाको छुट्टा छुट्टै स्थानहरूबाट लागूऔषधसहित आठ जनालाई प्रहरीले नियन्त्रणमा लिएको छ ।
इलाका प्रहरी कार्यालय दमकले दमक नगरपालिका २ का २३ वर्षीय विशेष लिम्बूलाई ६२० मिलिग्राम ब्राउनसुगर, दमक ९ का १९ वर्षीय सनम लिम्बूलाई प्रतिबन्धित लागूऔषध ७५ क्याप्सुल र ७५ ट्याब्लेटसहित नियन्त्रणमा लिएको छ ।
यसैगरी जिल्ला प्रहरी कार्यालय सुनसरी मातहत प्रहरी कार्यालयहरूले इटहरी २ हलगडाका २३ वर्षीय कृष्ण राईलाई ९२ मिलिग्राम लागूऔषध ब्राउनसुगरसहित, धरान १५ का २५ वर्षीय सनम राईलाई ट्रामाडोल १४० क्याप्सुल र डिकोलिक १४० ट्याब्लेटसहित, रामधुनी नगरपालिका ९ का २२ वर्षीय रोहन चौधरी र रामधुनी ७ का २३ वर्षीय मनिस चौधरीलाई ६ ग्राम ७४ मिलिग्राम ब्राउनसुगरसहित इनरुवा ४ स्थित बसपार्कबाट नियन्त्रणमा लिएको छ ।
साथै, इलाका प्रहरी कार्यालय लेटाङले बेलबारी नगरपालिका ११ का २३ वर्षीय प्रेमबहादुर तामाङ र बेलबारी ४ का २० वर्षीय सञ्जोग विशुंखेलाई ६ ग्राम २८ मिलिग्राम ब्राउनसुगरसहित लेटाङ ३ स्थितबाट नियन्त्रणमा लिएको छ ।
लागूऔषधसहित पक्राउ परेका सबैजनाको थप अनुसन्धान भइरहेको छ ।
Discussion about this post