२०६८ सालमा इटहरीमा आरटी आरके होटल मेनेजमेन्ट स्कुल सुरु हुँदा होटल मेनेजमेन्टका विभिन्न विषयहरु पढाइ हुने खासै शैक्षिक संस्थाहरु थिएनन् । तर आवश्यकता भने निकै थियो ।
आरटीआरकेले छोटो अवधिका तालिमहरु सुरु गर्यो । जसले विदेश जान चाहने र स्वदेशमै पनि होटल व्यवशायको क्षेत्रमा काम गर्न चाहने जनशक्ति आपूर्ती गर्ने कामलाई व्यवस्थित बनायो ।
सुरुको समयमा गलत सोचाइले होटल म्यानेजमेन्ट विकास हुन सकेको थिएन । आरटीआरकेका संस्थापक प्रेम लिम्बू भन्छन्, ‘यो त तल्लो वर्गका मान्छेले गर्ने हो भन्ने जस्ता कुरा सुनिन्थे ।’ मानिसको भ्रम चिर्न केही समय लाग्यो, तर अहिले परिस्थिती पुरै परिवर्तन भइसकेको छ ।
‘अहिले यसमा काम गर्नेको होडबाजी छ,’ उनी भन्छन् ।
सिटिइभिटिका कक्षाहरुका साथै होटल म्याजमेन्टसँग सम्बन्धित सम्पुर्ण तालिमहरु सञ्चालन गरिरहेको स्कुलले आफूलाई पनि परिष्कृत गर्दै गएको छ । यसै वर्षदेखि डिप्लोमा तहका कक्षाहरु कक्षा सञ्चालनको तयारी गरेको छ ।
जसमा प्रोफेसनल डिप्लोमा इन होटल म्यानेजमेन्ट र प्रोफेसनल डिप्लोमा इन कलीनरी आर्टस् छन् । दुवै कोर्षहरुमा ६ महिनाको सैद्धान्तिक र १ वर्षको प्रयोगात्मक कक्षाहरु हुनेछन् । यस्तै यीनै दुई विषयहरुमा योभन्दा विशिष्ट एक्जुकेटिभ तहका तालिमहरुसमेत सञ्चालनको तयारी गरिएको छ ।
यसका साथै विवाहित महिलाहरुलाई तालिममा विशेष प्याकेज, विदेश जान चाहने युवायुवतीहरुलाई स्पेशल कोर्ष र छोटोअवधिका सबैखाले कोर्षहरु गराइरहेको छ ।
हालैमात्र नयाँ भवनमा सरेको आरटिआरके अझ व्यवस्थित बनेको उनी बताउँछन् । उनका अनुसार नयाँ भवनमा आफ्नै ‘चुलो’ नामक रेष्टुरेण्टसमेत सञ्चालनको तयारी गरिएको छ । विद्यार्थीलाई प्रयोगात्मक अभ्यासको समेत राम्रो मौका मिल्ने उनको दावी छ ।
चुलो रेष्टुरेन्टमा विशेष गरेर नेपालको रैथाने खानाहरुलाई प्रबद्र्धन गर्ने लक्ष्य लिइएको छ । नेपालका तीन तारे र पाँच तारे होटलमासमेत नेपाली खानाहरु मेनुमा नसमेटिएकोले त्यस्ता परम्परागत मौलिक खानाहरुलाई प्रबद्र्धन गर्ने उनको योजना छ । ‘नेपाली खाना राम्रो पकाउन जान्ने कुकहरुको माग बढ्दै गएकोले पनि यो तयारी गरिएको हो,’ उनले भने ।
लिम्बु आफ्नो स्कुलमा विद्यार्थीहरुलाई सीपसँगै संस्कार पनि सिकाउने बताउँछन् । ‘संस्कारसहितको सीपयुक्त मौलिक खाना सिकाउने हाम्रो योजना हो,’ उनी भन्छन्, ‘हामीले सीप जानेर मात्र पनि भएन, संस्कार र सम्मानका कुराहरु पनि जान्नुपर्यो ।’
अन्तर्राष्ट्रिय विश्वविद्यालयबाट मान्यताप्राप्त स्कुलले अन्तर्राष्ट्रिय स्तरको ल्याब सुविधासमेत दिइरहेको छ । मैत्रीपूर्ण, प्राकृतिक वातावरण, मल्टिमिडिया कक्षाहरु, निःशुल्क आवास सुविधा, काम गर्दै सिक्ने अवसर, निःशुल्क पोशाक तथा शैक्षिक सामाग्री र अभ्यास सामाग्रीहरु जस्ता विशेषताहरु स्कुलका छन् ।
यस्तै स्कुलले विद्यार्थीहरुको सर्वाङ्गिण विकासको लागि व्यक्तित्व विकास र सञ्चार सीपजस्ता तालिमहरुसमेत दिने गरेको छ । जसका कारण अन्य ठाउँमा उभिएर बोल्न र निर्धक्क संवाद गर्न सीप प्रदान गर्दछ ।
स्कुलले सिकाउने मात्र नभइ सिकाइसकेपछि रोजगारमा समेत लगाइदिने लिम्बु बताउँछन् । यस्तै वैदेशिक रोजगारमा लगाउन सहजिकरण समेत गर्ने उनको भनाई छ ।
Discussion about this post