इटहरी : इटहरीमा रहेको बिश्व आदर्श कलेजका विद्यार्थीहरु आन्दोलित भएका छ्न् ।
त्यहाँ अवस्थित शिक्षकले असभ्य बोलेको र कलेजले मनोमानी शुल्क उठाएको आरोप लगाउँदै शुक्रवार अध्ययनरत विद्यार्थीहरुले इटहरी उपमहानगरपालिका परिसर अगाडि आन्दोलन गरेका हुन् ।
कलेजले लकडाउनको समयको समेत शुल्क लिएको भन्दै उनीहरू आन्दोलनमा उत्रिएका हुन् । एउटै विषय पढ्ने विद्यार्थीलाई थोरै र धेरै शुल्क लिएर विभेद गरेको भन्दै आन्दोलनमा उत्रिनु परेको विद्यार्थी नीमा तामाङले बताए ।
आफूहरू ५ महिना कलेज जाने तर कलेजले १२ महिनाको शुल्क तिर्न बाध्य परेको उनको भनाइ छ । शुक्रबार आन्दोलन पश्चात् इटहरी उपमहानगरपालिकाकी उपमेयर लक्ष्मी गौतमलाई पीडित विद्यार्थीहरुले आफ्ना समस्या राखेका थिए । शिक्षकहरु असभ्य बोल्ने, जथाभावी शुल्क असुल्ने जस्ता उनीहरूले समस्या राखेका थिए ।
समस्या सुनेपछि उपमेयर गौतमेले आइतबार सम्म कलेज प्रशासनसँग छलफल गरेर उचित निष्कर्ष निकाल्ने आश्वासन दिएकी छिन् ।
यता, बिश्व आदर्श कलेजका प्रिन्सिपल गणेश दुलालले विद्यार्थीका माग छलफल गरेर सुनुवाइ गरिने प्रतिक्रिया दिए ।
Discussion about this post