स्काभेटरले नहर सफा गर्ने क्रममा बिजुलीको पोल ढलेर लाग्दा सुनसरीकी सुनिताको मृत्यु

इटहरी : सुनसरी इनरुवा ९ की ४२ वर्षीया सुनिता खत्वेको बिजुलीको पोल लडेर लाग्दा मृत्यु भएको छ ।

सोही स्थानमा को १ क ८७६ नम्बरको स्काभेटरले नहर सफा गर्ने क्रममा बिजुलीको पोलमा ठक्कर लाग्दा उक्त बिजुलीको पोल ढलेर घरमा बसिरहेकी खत्वेलाई लाग्दा उनको मृत्यु भएको हो ।

पोलले लागेर गम्भीर घाइते भएकी उनको उनको जिल्ला अस्पताल इनरुवामा उपचारको क्रममा मृत्यु भएको जिल्ला प्रहरी कार्यालय सुनसरीले जनाएको छ ।

स्काभेटर नियन्त्रणमा रहेको र चालक फरार रहेकोले खोजतलास भइरहेको प्रहरीले जनाएको छ ।