खोटाङ : खोटाङ हलेसीतुवाचुङ नगरपालिका १ कदुवा स्थित मध्ये पहाडी लोकमार्गमा आज विहान ११ बजे हलेसी दर्शन गरी सप्तरी फर्केको चालक सहित ३९ जना यात्री बोकेको बस दुर्घटना हुँदा १ जनाको मृत्यु भएको छ भने २२ जना घाइते र १६ जना सामान्य घाइते भएका छन् ।
बा ३ ख ९२८५ नम्बरको बस आफैँ अनियन्त्रित भई सडकबाट अन्दाजी १५ मिटर तल सडकमा खसेर दुर्घटना हुँदा बसका सहचालक सिन्धुली घ्याङलेक गाउँपालिका १ का २५ वर्षीय अनिल तामाङको घटनास्थलमै मृत्यु भएको १ नं. प्रदेश प्रहरी कार्यालय विराटनगरले जनाएको छ ।
दुर्घटना भएको जानकारी पाए लगतै प्रहरी चौकी च्यास्मिटर, इलाका प्रहरी कार्यालय हलेसी र जिल्ला प्रहरी कार्यालय खोटाङबाट प्रहरी नायव उपरीक्षकको कमाण्डमा प्रहरी टोली खटि घाइतेहरुलाई उपचारको लागि अस्पताल पठाइएको प्रहरीले जनाएको छ ।
Discussion about this post