सोलुखुम्बु : सोलुखुम्बुस्थित सोलु दूधकुण्ड नगरपालिका ८ स्थित सेतोमाने भन्ने स्थानमा जेसीबी क्रेन बोकेर सोलुखुम्बुबाट पोखरा जाँदै गरेको ग १ क ५१७३ नम्बरको ट्रकमा करेन्ट लाग्दा दुईजनाको मृत्यु भएको छ ।
रोडमाथि टाँगिएको बिद्युतको मेन तारमा जेसीबीले छुदाँ करेन्ट लागेको थियो ।
मृत्यु हुनेमा ट्रक चालक बाग्लुङ बडीगंगा गाउँपालिका ५ का २६ वर्षीय भूमिराज मरासैनी र सोही ट्रकमा सवार जेसीबी चालक स्याङ्जाका २३ वर्षीय राम परियार रहेका छन् । त्यस्तै करेन्ट लागेर दुईजना घाइते भएका छन् ।
ट्रकका सहचालक बाग्लुङ मालिटा गाउँपालिका ८ का १९ वर्षीय बसन्त पौडेल र राम परियारको श्रीमती २० वर्षीया लिला परियार रहेका छन् ।
घटनाको जानकारी पाए लगतै जिल्ला प्रहरी कार्यालय सोलुबाट प्रनाउको कमाण्डमा र प्रहरी चौकी पतालेबाट प्रहरी टोली खटि गई घाईतेहरुलाई उद्धार गरि उपचारको लागि जिल्ला अस्पताल फाप्लु सोलुखुम्बुमा पठाइएको प्रहरीले छ ।
घटना सम्बन्धमा थप अनुसन्धान भइरहेको प्रहरीले जनाएको छ ।
Discussion about this post