सुन्दरहरैँचा : मोरङको सुन्दरहरैँचा नगरपालिका–८ सलकपुरमा मोटरसाइकल दुर्घटना हुँदा एक युवकको मृत्यु भएको छ ।
पूर्व क्षेत्रीय ट्राफिक प्रहरी कार्यालय इटहरीका अनुसार मङ्गलबार राति को ३५ प ५९७१ नम्बरको मोटरसाइकल दुर्घटना हुँदा चालक नवलपरासी गैंगाकोट–९ घर भइ मोरङको सुन्दरहरैँचा–८ मा बस्दै आएका २५ वर्षीय गोकुल भनिने यामबहादुर थापाको मृत्यु भएको हो ।
पूर्व–पश्चिम लोकमार्गमा पश्चिमबाट पूर्वतर्फ जाँदै गरेको सडक निर्माणमा प्रयोग गरिने अनटेष्ट लोडरमा थापाले चलाएको मोटरसाइकल पछाडिबाट ठोक्किएको थियो । दुर्घटनामा परेर गम्भीर घाइते भएका थापाको उपचारका लागि अस्पताल लगिएपनि उनको मृत्यु भएको प्रहरीले जनाएको छ ।
दुर्घटनामा मोटरसाइकलको पछाडि सवार सुन्दरहरैँचा–६ गछियाका ३० वर्षीय रूपक खड्का घाइते भएका छन् । उनको अवस्था सामान्य रहेको प्रहरीले जनाएको छ ।
प्रहरीले लोडर चालक मोरङको कटहरी गाउँपालिका–७ का ३३ वर्षीय सरोज गौतमलाई नियन्त्रणमा लिएर अनुसन्धान थालेको छ ।
Discussion about this post